អន្តរជាតិ៖ តំណាងប្រទេសរុស្ស៊ីបាននិយាយកាលពីថ្ងៃព្រហស្បតិ៍ថា ការអះអាងរបស់អ៊ុយក្រែនដែលថារុស្ស៊ីទម្លាក់គ្រាប់បែកលើមន្ទីរពេទ្យកុមារក្នុងទីក្រុង Mariupol គឺជា «ព័ត៌មានមិនពិត» ដោយសារតែអគារនេះគឺជាអតីតមន្ទីរពេទ្យសម្ភពដែលត្រូវបានទាហានកាន់កាប់ជាយូរមកហើយ។
តំណាងអចិន្ត្រៃយ៍រងទីមួយរបស់រុស្ស៊ីប្រចាំអង្គការសហប្រជាជាតិ លោក Dmitry Polyanskiy បាននិយាយថា មន្ទីរពេទ្យនេះត្រូវបានទាហានអុយក្រែនប្រែក្លាយជាទីតាំងយោធាក្នុងសង្គ្រាម ហើយប្រទេសរុស្ស៊ីក៏បានព្រមានពីការប្រើប្រាស់ពេទ្យជាទីតាំងឈរជើងរបស់ទាហាននេះតាំងពីថ្ងៃទី៧ ខែមីនាផងដែរ។
គួរបញ្ជាក់ផងដែរ ប្រធានាធិបតីអ៊ុយក្រែនលោក Volodymyr Zelenskiy បានចោទប្រកាន់រុស្ស៊ីពីបទប្រល័យពូជសាសន៍ បន្ទាប់ពីមន្ត្រីអ៊ុយក្រែនបាននិយាយថា យន្តហោះរុស្ស៊ីបានទម្លាក់គ្រាប់បែកលើមន្ទីរពេទ្យកុមារកាលពីថ្ងៃពុធ៕
