អឺរ៉ុប: តម្លៃឧស្ម័នហ្គាសនៅអឺរ៉ុបបានហក់ឡើងយ៉ាងខ្លាំងកាលពីថ្ងៃចន្ទដោយឡើងដល់ជាង ៣៦០០ ដុល្លារក្នុងមួយម៉ែត្រគុបជាលើកដំបូងក្នុងប្រវត្តិសាស្ត្រ។

តាមការបញ្ជាក់នៅឯមជ្ឈមណ្ឌល TTF នៅប្រទេសហូឡង់នឹងកើនឡើងដល់ទៅ ៣,៦00 ដុល្លារក្នុង១ពាន់ម៉ែត្រគូប ឬជាង ៣០០ដុល្លារក្នុងមួយមេហ្គាវ៉ាត់ម៉ោង នេះបើយោងតាមទិន្នន័យពីការផ្លាស់ប្តូរ ICE របស់ទីក្រុងឡុងដ៍។

តម្លៃនេះនឹងនៅតែបន្តកើនឡើង ខណៈដែលអ្នកលេងទីផ្សារភាគហ៊ុនកំពុងមានការភ័យខ្លាចនៃការវាយលុករបស់យោធារុស្ស៊ីដែលកំពុងបន្តនៅក្នុងប្រទេសអ៊ុយក្រែន។ ទន្ទឹមនឹងនេះដែរ ក្រុមហ៊ុនថាមពលរដ្ឋរបស់រុស្ស៊ី និងជាក្រុមហ៊ុននាំចេញឧស្ម័នដ៏ធំ Gazprom បាននិយាយកាលពីថ្ងៃចន្ទថា ខ្លួននៅតែបន្តផ្គត់ផ្គង់ឧស្ម័នរុស្ស៊ីជាប្រចាំសម្រាប់ការដឹកជញ្ជូនទៅកាន់អឺរ៉ុបតាមរយៈទឹកដីនៃប្រទេសអ៊ុយក្រែន។

អ្នកតំណាងផ្លូវការរបស់ក្រុមហ៊ុន Gazprom លោក Sergey Kupriyanov បានប្រាប់អ្នកយកព័ត៌មានថា "ក្រុមហ៊ុន Gazprom ផ្គត់ផ្គង់ឧស្ម័នរុស្ស៊ីសម្រាប់ការឆ្លងកាត់ទឹកដីនៃប្រទេសអ៊ុយក្រែនជាទៀងទាត់ ស្របតាមកម្មវិធីរបស់អតិថិជនអឺរ៉ុប [ចំនួន] ១០៩.៦ លានម៉ែត្រគូបសម្រាប់ថ្ងៃទី ៧ ខែមីនា" ។

ទោះបីយ៉ាងណាក៏ដោយ ក៏គេនៅតែមានការភ័យខ្លាចថាវិបត្តិនៅអ៊ុយក្រែនអាចនាំទៅដល់ការបញ្ឈប់ការផ្គត់ផ្គង់ឧស្ម័នរបស់រុស្ស៊ី ទាំងដោយសារការខូចខាតបំពង់បង្ហូរប្រេង ឬជាលទ្ធផលពីទណ្ឌកម្មដាក់លើទីក្រុងម៉ូស្គូដោយរដ្ឋលោកខាងលិចដែលមិនគាំទ្រប្រតិបត្តិការនេះ៕