អ៊ុយក្រែន៖ ទាហានអ៊ុយក្រែនប្រកាសថា បានសម្លាប់ទ័ពរុស្ស៊ីប្រមាណ ៥០នាក់ នេះបើតាមការផ្សាយរបស់ទីភ្នាក់ងារព័ត៌មានបារាំង AFP នៅមុននេះបន្តិច។

ការចាប់ផ្តើមនៃការវាយប្រហារយោធារបស់រុស្ស៊ីនៅអ៊ុយក្រែននៅថ្ងៃព្រហស្បតិ៍នេះ បាននាំឱ្យមានភាពចលាចលទាំងស្រុងនៅក្នុងប្រទេស បន្ទាប់ពីប្រធានាធិបតីរុស្ស៊ី លោក វ្ល៉ាឌីមៀ ពូទីន បានចេញបញ្ជាជាផ្លូវការ នូវប្រតិបត្តិការ កងកម្លាំងរុស្ស៊ីឱ្យបាញ់មីស៊ីល ទៅកាន់ទីក្រុងជាច្រើន ក្នុងប្រទេសអ៊ុយក្រែន ហើយថែមទាំងបានចុះចតកងទ័ពនៅលើឆ្នេរខាងត្បូង របស់ប្រទេសអ៊ុយក្រែនទៀតផង។

ទីភ្នាក់ងារព័ត៌មាន AFP បានរាយការណ៍ថា អ៊ុយក្រែនអះអាងថា៖ «បានសម្លាប់ទ័ពរុស្ស៊ីប្រមាណ ៥០នាក់ហើយនាពេលនេះ»។

នៅព្រឹកថ្ងៃដដែល យន្តហោះរុស្ស៊ី ៥គ្រឿង និងឧទ្ធម្ភាគចក្រ ១គ្រឿងត្រូវអ៊ុយក្រែនបាញ់ទម្លាក់នៅ Luhansk។

រុស្ស៊ីកំពុងប្រឈមមុខនឹងការថ្កោលទោសជាសាកលពីមហាអំណាចលោកខាងលិចជុំវិញសកម្មភាពរបស់ខ្លួនក្នុងប្រទេសអ៊ុយក្រែនជាមួយសហភាពអឺរ៉ុបដោយប្តេជ្ញាថានឹងធ្វើឱ្យទីក្រុងម៉ូស្គូទទួលខុសត្រូវចំពោះប្រតិបត្តិការយោធានេះ៕