អន្តរជាតិ៖ ទីក្រុងហុងកុងបានប្រញាប់សាងសង់កន្លែងសម្រាប់ដាក់អ្នកជំងឺកូវីដ-១៩ រាប់ពាន់នាក់ ខណៈដែលក្រុមអ្នកសាងសង់មកពីប្រទេសចិនដីគោកបានធ្វើការក្រោមភ្លៀង និងអាកាសធាតុត្រជាក់ឥតឈប់ឈរដើម្បីពន្លឿនការសាងសង់។

នាវាកម្សាន្ត Kai Tak ពេលនេះក៏ត្រូវបានអាជ្ញាធរហុងកុងយកធ្វើជាកន្លែងដាក់អ្នកជំងឺដែលមានគ្រែចំនួន ១ ០០០ ដើម្បីកាត់បន្ថយមន្ទីរពេទ្យសាធារណៈដែលមានបន្ទុកលើសទម្ងន់។ ក្រៅពីនេះមានការជួលសណ្ឋាគារពាណិជ្ជកម្ម និងមជ្ឈមណ្ឌលកីឡា ក៏នឹងបន្ថែមចំនួន ២ម៉ឺនគ្រែបន្ថែមទៀតសម្រាប់អ្នកដែលបានធ្វើតេស្តវិជ្ជមាន។

ពេលនេះស្ថានភាពនៅហុងកុងកាន់តែយ៉ាប់ ខណៈឃើញមានមនុស្សដេកនៅខាងក្រៅមន្ទីរពេទ្យទាំងមានភ្លៀងធ្លាក់ និងអាកាសធាតុត្រជាក់បានធ្វើឱ្យមនុស្សជាច្រើនភ្ញាក់ផ្អើលនៅជុំវិញពិភពលោក៕