អន្តរជាតិ៖ ម្ចាស់ក្សត្រី Elizabeth ព្រះជន្ម ៩៥ ព្រះវស្សា បានធ្វើតេស្តវិជ្ជមានជំងែកូវីដ-១៩ និងកំពុងមានរោគសញ្ញាស្រាល ហើយព្រះម្ចាស់ក្សត្រីកំពុងគង់ព្យាបាលនៅវិមាន Buckingham។

បើតាមព្រះបរមរាជវាំងបានឱ្យដឹងថា ម្ចាស់ក្សត្រី ទទួលការយកចិត្តទុកដាក់ពីគ្រូពេទ្យ ហើយនឹងអនុវត្តតាមគោលការណ៍ណែនាំសមស្របទាំងអស់។

ចំណែកព្រះអង្គម្ចាស់ Charles ព្រះជន្ម ៧៣ ព្រះវស្សា ដែលជាអ្នកស្នងមរតកនៅដើមខែនេះ បានដកខ្លួនចេញពីព្រឹត្តិការណ៍មួយ បន្ទាប់ពីបានឆ្លងវីរុសកូរ៉ូណាជាលើកទីពីរផងដែរ។ ប្រភពពីវាំងមួយបាននិយាយថាគាត់បានជួបម្ចាស់ក្សត្រីប៉ុន្មានថ្ងៃមុន។

សុខភាពរបស់ព្រះមហាក្សត្រីយានី ដែលជាព្រះមហាក្សត្រដែលមានវ័យចំណាស់ និងសោយរាជ្យយូរជាងគេបំផុតរបស់ពិភពលោក ស្ថិតក្នុងការចាប់អារម្មណ៍ ចាប់តាំងពីទ្រង់បានចំណាយពេលមួយយប់នៅក្នុងមន្ទីរពេទ្យកាលពីខែតុលាឆ្នាំមុន ដោយសារជំងឺដែលមិនបានបញ្ជាក់ច្បាស់លាស់ ហើយក្រោយមកត្រូវបានគ្រូពេទ្យណែនាំឱ្យសម្រាក៕