អាមេរិក: បដា «ទណ្ឌិត សម រង្ស៊ី ជាអ្នកនយោបាយប្រជាធិបតេយ្យក្លែងក្លាយ» «ក្រុមទណ្ឌិត សម រង្ស៊ី ជាក្រុមជ្រុលនិយម» «ទណ្ឌិត សម រង្ស៊ី មេបោកប្រាស់ជាតិសាសន៍ខ្លួនឯង» និងបដាប្រឆាំងនឹង សម រង្ស៊ី ជាច្រើនទៀតត្រូវបានក្រុមពលរដ្ឋខ្មែរអាមេរិកលើកឡើងប្រឆាំងនិងវត្តមានរបស់លោក សម រង្ស៊ី លើទឹកដីអាមេរិក។ ពួកគេនិយាយថា មានការធុញទ្រាន់នឹងការបោកប្រាស់ និងសំដីគ្មានការទទួលខុសត្រូវលើបុគ្គលនេះដែលមិនចង់ឱ្យមកជាន់ទឹកដីអាមេរិកបន្តទៀតនោះទេ។ 

តាមកាលវិភាគលោក សម រង្ស៊ី ធ្វើដំណើរនៅអាមេរិក ពីថ្ងៃទី១៨ ដល់ថ្ងៃទី៥ ខែមីនា។ 

ពលរដ្ឋខ្មែរមួយចំនួនដែលតវ៉ាចំពោះវត្តមាន សម រង្ស៊ី យល់ថាការធ្វើដំណើរមកអាមេរិករបស់បុគ្គលនេះគ្មានអ្វីក្រៅពីស្វែងរកលាភសក្ការ និងលុយស្រោមសំបុត្រនោះទេ។ 

ពួកគេនិយាយថា៖ «ខ្ញុំជ្រេញហើយធុញទ្រាន់ លោក សម រង្ស៊ី មកលើកណាគឺគ្មានអីក្រៅពីបំបែកបំបាក់នឹងញុះញង់ ហើយយកតែផលប្រយោជន៍ប្រមូលយកតែស្រោមសំបុត្រ ហើយយកទ្រឹស្ដីមួយគឺលទ្ធិប្រជាធិបតេយ្យមួយមកធ្វើពាណិជ្ជកម្ម។ល។ និយាយរួមទៅមាន សម រង្ស៊ី មានការបែកបាក់គ្មានការសាមគ្គី បើអត់ សម រង្ស៊ី មានការបង្រួបបង្រួម មានការស្ថាបនាជាតិ មានសន្ដិភាព និងការអភិវឌ្ឍន៍ គ្រប់ទីកន្លែងទាំងអស់ឱ្យតែអត់មាន សម រង្ស៊ី គឺមានជោគជ័យ»៕