បាត់ដំបង៖ អគ្គិភ័យមួយបានឆាបឆេះអគារភោជនីយដ្ឋាន(ឌឺអូវើថែម)មួយកន្លែងជាន់ទី៤ នៅវេលាម៉ោង ០២និង៣០នាទី រំលងអាធ្រាតឈានចូលថ្ងៃទី២៦ ខែមករា ឆ្នាំ២០២២ នៅចំណុចក្រុមទី០៤ ស្ថិតក្នុងភូមិរំចេក៥ សង្កាត់រតនៈ ក្រុងបាត់ដំបង។
សមត្ថកិច្ចបានអោយដឹងថា សម្ភារខូចខាតមានអគារភោជនីយដ្ឋាន០១ខ្នងទំហំ ២០ម៉ែត្រ × ១៧ម៉ែត្រ សង់អំពីថ្មកំពស់៥ជាន់(ឆេះបន្ទប់ជាន់ទី០៤)រួមនឹងសម្ភារប្រើប្រាស់ក្នុងបន្ទប់មួយចំនួនដែលម្ចាស់ថាអស់ទឹកប្រាក់ប្រហែល ២៨ ០០០ដុល្លារអាមេរិក។
នៅក្នុងហេតុការណ៍អគ្គិភ័យសមត្ថកិច្ចបានប្រើប្រាស់រថយន្តពន្លត់អគ្គីភ័យចំនួន ៤គ្រឿងក្នុងការចុះអន្តរាគមន៍បាញ់ពន្លត់ ចំពោះមូលហេតុដែលផ្តើមអោយឆេះឡើងនេះគឺស្ថិតក្នុងការស្រាវជ្រាវរបស់សមត្ថកិច្ចជំនាញនៅឡើយ៕
ព័ត៌មានជាច្រើនទៀតសម្រាប់អ្នក
