ប្រធានសភាកម្ពុជាថ្វាយអំណរព្រះគុណព្រះមហាក្សត្រថៃដែលមានព្រះទ័យយកចិត្តទុកដាក់ដល់ពលករខ្មែរ | ក្រុមហ៊ុន Vietjet គ្រោងបង្កើតមជ្ឈមណ្ឌលជួសជុលនិងថែទាំ (MRO) យន្តហោះ និងពង្រឹងបន្ថែមទៀតនូវការតភ្ជាប់ការដឹកជញ្ជូនតាមផ្លូវអាកាសរវាងប្រទេសវៀតណាម និងឡាវ | អំឡុងពេលនៃយុទ្ធនាការរបស់ក្រសួងយុត្តិធម៌ គ្មានទេពាក្យថា “បុកគេស្លាប់ បង់លុយ ហើយរួចខ្លួន” | លោក ចូ បៃដិន ច្រឡំមាត់អញ្ជើញប្រធានាធិបតីអ៊ុយក្រែនលោក ហ្សឡេនស្គី ថាជាលោក​ ពូទីន | BREAKING NEWS: បាត់ឧទ្ធម្ភាគចក្រនៅភ្នំក្រវាញ អំឡុងពេលហ្វឹកហាត់ | BREAKING NEWS៖ ខ្មាន់កាំភ្លើងម្នាក់ និងអ្នកគាំទ្រម្នាក់បានស្លាប់ ក្នុងហេតុការណ៍ឆ្មក់បាញ់ប្រហារអតីតប្រធានាធិបតីអាមេរិក ដូណាល់ ត្រាំ | BREAKING៖ អតីតប្រធានាធិបតី ដូណាល់ ត្រាំ ត្រូវបានគេជម្លៀសយ៉ាងប្រញាប់ប្រញាល់ចេញពីវេទិកា | UPDATE: ការបាញ់ប្រហារនៅឯការប្រមូលផ្តុំគ្នារបស់ Trump នៅ Butler រដ្ឋ Pennsylvania៖ អតីតប្រធានាធិបតី Trump រងរបួស | UPDAT៖ ប្រធានាធិបតី Biden ឆ្លើយតបទៅនឹងការបាញ់ប្រហារនៅឯការជួបជុំ Trump | ព័ត៌មានទាន់ហេតុការណ៍៖ លោក Donald Trump ចេញសេចក្តីថ្លែងការណ៍ស្តីពីការបាញ់ប្រហាររបស់នៅរដ្ឋ Butler, PA |

រូបចម្លាក់ព្រះគណេសដែលពិភពលោកចង់បានបំផុតត្រូវបានអាមេរិកសម្រេចបញ្ជូនមកកម្ពុជាវិញ

ភ្នំពេញ៖ រូបចម្លាក់ព្រះគណេសដែលបាត់ពីប្រាសាទកោះកេរ និងត្រូវបានអង្គការសម្ព័ន្ធភាពបុរាណវត្ថុចាត់ជារូបចម្លាក់ដ៏ប្រណិតមួយក្នុងចំណោម១០ដែលគេចង់បានបំផុតត្រូវបានរដ្ឋាភិបាលអាមេរិកសម្រេចបញ្ជូនមកឱ្យកម្ពុជាវិញ បន្ទាប់ពីតុលាការអាមេរិកសម្រេចរឹបអូសពីអ្នកប្រមូលវត្ថុបុរាណឯកជននៅទីក្រុងញ៉ូវយ៉ក។

រូបចម្លាក់នេះនឹងត្រូវបញ្ជូនមកវិញជាមួយរូបនិងវត្ថុបុរាណខ្មែរចំនួន២៧ផ្សេងទៀតដែលត្រូវបានរឹបអូស។

រដ្ឋមន្ត្រីក្រសួងវប្បធម៌លោកស្រី ភឿង សកុណា បានឱ្យដឹងថា រូបចម្លាក់ព្រះគណេសនេះគឺជាគំរូដ៏ល្អឯកមួយទៀតរបស់បុព្វបុរសខ្មែរ ហើយក្រៅពីរូបចម្លាក់នេះក៏មានរូប ព្រះពុទ្ធបដិមាធ្វើពីថ្មភក់សត្សវត្សទី៧-៨ បដិមាព្រះវិស្ណុធ្វើពីថ្មភក់សតវត្សទី១០ និងបដិមានព្រះនាងលក្ស៊ីធ្វើពីសំរឹទ្ធសតវត្សទី១០។ លោកស្រីបញ្ជាក់ ការបញ្ជូនត្រលប់មកវិញនេះគឺជាការបញ្ជាក់ពីការប្ដេជ្ញាចិត្តរបស់កម្ពុជាក្នុងការស្វែងរក និងនាំមកវិញនូវព្រលឹងបុព្វបុរសខ្មែរយើង ដែលបានចាកឆ្ងាយពីមាតុភូមិកំណើតអស់ជាច្រើនឆ្នាំក្នុងអំឡុងសម័យសង្គ្រាម

លោកស្រីលោកឡើងថា៖ «យើងមានសេចក្ដីរំភើបរីករាយដែលអ្នកកាន់កាប់សមុច្ច័យឯកជន បានយល់ព្រមផ្ដល់កិច្ចសហការជាមួយអាជ្ញាធរសហរដ្ឋអាមេរិក ក្នុងការបញ្ជូនមកវិញនូវមុច្ច័យដ៏សំខាន់នៃរូបចម្លាក់ខ្មែរដែលបានទិញពីអ្នកកាន់កាប់និងជួញដូរវត្ថុបុរាណគឺលោក Douglas Latchford។ ការប្រគល់មកវិញនូវសមុច្ច័យនេះគឺជាគំរូមួយ ហើយយើងខ្ញុំសូមជំរុញលើកទឹកចិត្តដល់អ្នកដែលកំពុងកាន់កាប់សមុច្ច័យឯកជនដទៃទៀត សារមន្ទីរនានា សូមទាក់ទងមកយើងខ្ញុំ ដើម្បីពិភាក្សាអំពីការប្រគល់មកប្រទេសកំណើតវិញ» ។

លោកស្រីបានថ្លែងអំណរគុណដល់អាជ្ញាធរអាមេរិក និងក្រុមការងាររបស់ក្រសួងវប្បធមន៌ដែលសហការគ្នាធ្វើយ៉ាងណានាំយកវត្ថុបុរាណដែលមានតម្លៃមកកម្ពុជាវិញ។

បើតាមក្រសួងវប្បធម៌ មុននឹងអាមេរិកសម្រេចបញ្ជូនវត្ថុបុរាណទាំងនេះត្រលប់មកវិញនេះត្រូវការចំណាយពេលចរចាអស់ពេល២ឆ្នាំ៕



ព័ត៌មានជាច្រើនទៀតសម្រាប់អ្នក