តាកែវ : នៅនៅថ្ងៃព្រហស្បតិ៍ ទី២០ ខែឧសភា ឆ្នាំ២០២១ រដ្ឋបាលខេត្តតាកែវ លោក អ៊ូច ភា ចេញសេចក្ដីសម្រេចផ្អាកជាបណ្ដោះអាសន្ននូវអាជីវកម្មការលក់ដូរនៅក្នុងផ្សារសំរោងយ៉ោង ស្ថិតនៅភូមិស្មៅខ្ញី ឃុំត្រពាំងសាប ស្រុកបាទី ជាបណ្តោះអាសន្ន។
រដ្ឋបាលខេត្តតាកែវ បន្តទៀតថាប្រសិនបើប្រជាពលរដ្ឋក្នុងស្រុកនេះមានរោគសញ្ញា ផ្ដាសាយ ក្អក ហៀរសំបោរ ឈឺបំពងក ថប់ដង្ហើម ឬរោគសញ្ញាសង្ស័យផ្សេងៗ សូមទៅពិនិត្យសុខភាពនៅតាមមន្ទីរពេទ្យ ឬមណ្ឌលសុខភាព ដែលស្ថិតនៅជិតកន្លែង ដែលបងប្អូនស្នាក់នៅនិងរាយការណ៍ជូនអាជ្ញាធរមូលដ្ឋានជាបន្ទាន់។
រដ្ឋបាលខេត្តបានបន្តទៀតថា លោកនាយករដ្ឋបាលសាលាខេត្ត លោកស្នងការនគរបាលខេត្ត លោកមេបញ្ជាការកងរាជអាវុធហត្ថខេត្ត លោកមេបញ្ជាការតំបន់ប្រតិបត្តិការសឹករងតាកែវ លោក លោកស្រីប្រធានមន្ទីរអង្គភាពជុំវិញខេត្តនិងលោកអភិបាលនៃគណៈអភិបាលស្រុកបាទីត្រូវទទួលបន្ទុកអនុវត្តសេចក្ដីសម្រេចនេះ ប្រកបដោយស្មារតីទទួលខុសត្រូវខ្ពស់បំផុតចាប់ពីថ្ងៃចុះហត្ថលេខាតទៅ។