ភ្នំពេញ៖ កម្លាំងជំនាញនៃការិយាល័យប្រឆាំងគ្រឿងញៀននៃស្នងការដ្ឋាននគរបាលរាជធានីភ្នំពេញ បានស្រាវជ្រាវវឃាត់ខ្លួនជនសង្ស័យម្នាក់និងគ្រឿងញៀនសរុបចំនួន ១៨១គីឡូនិង៣៧០ក្រាម។
តាមការចុះផ្សាយនៅលើគេហទំព័រហ្វេកបុកផ្លូវការរបស់ស្នងការដ្ឋាននគរបាលរាជធានីភ្នំពេញបានឲ្យដឹងថា ជនសង្ស័យម្នាក់នេះឈ្មោះ Luu Tung Huy ភេទប្រុសអាយុ២៥ឆ្នាំ ជនជាតិវៀតណាម ត្រូវបានឃាត់ខ្លួនកាលពីថ្ងៃទី៣០ ខែធ្នូ ឆ្នាំ២០២១ ត្រូវបានឃាត់ខ្លួនបាននៅចំណុចខុនដូ ជាន់ទី៣ ផ្លូវ១០៥ សង្កាត់បឹងកេងកង២ ខណ្ឌបឹងកេងកង រាជធានីភ្នំពេញ ឃាត់បានជាមួយសារធាតុផ្សំគ្រឿងញៀនចំនួន ៥១គីឡូក្រាម និងរថយន្តចំនួន០១គ្រឿង។ ក្រៅពីនោះសមត្ថកិច្ចក៏ចុះដកហូតគ្រឿងញៀនចំនួន២ទីតាំងបន្ថែមទៀតនៅខណ្ឌបឹងកេងកង និងសង្កាត់បឹងទំពុនទី១ ខណ្ឌមានជ័យ ដកហូតបានគ្រឿងញៀន ១៣០គីឡូក្រាមបន្ថែម។
មកដល់ពេលនេះជនសង្ស័យនិងវត្ថុតាងជាគ្រឿងញៀន ត្រូវបានសមត្ថកិច្ចជំនាញបញ្ជូនទៅសាលាដំបូងរាជធានីភ្នំពេញ ដើម្បីអនុវត្តបន្តតាមនីតិវិធីច្បាប់ហើយ៕
