កំពង់ស្ពឺ : ថ្ងៃអង្គារ ទី១៨ ខែឧសភា ឆ្នាំ២០២១ រដ្ឋបាលខេត្តកំពង់ស្ពឺបានប្រកាសអំពីការបិទខ្ទប់ជាបណ្តោះអាសន្ន ភូមិត្រាច ឃុំការហែង ស្រុកសំរោងទង ខេត្តកំពង់ស្ពឺ ដែលមានការឆ្លងរាលដាលជំងឺកូវីដ-១៩ សម្រាប់រយៈពេល២សប្ដាហ៍គិតចាប់ថ្ងៃទី១៨ ខែឧសភា ដល់ថ្ងៃទី៣១ ខែឧសភា ឆ្នាំ២០២១ ដើម្បីទប់ស្កាត់ការឆ្លងរាលដាលទៅក្នុងសហគមន៍និងតំបន់ផ្សេងទៀត។

រដ្ឋបាលខេត្តកំពង់ស្ពឺ បានបន្តទៀតថានាយករដ្ឋបាលសាលាខេត្ត ស្នងការនគរបាលខេត្ត បញ្ហាការដ្ឋានកងរាជអាវុធហត្ថខេត្ត អភិបាលស្រុកសំរោងទង ប្រធានមន្ទីរសុខាភិបាលខេត្ត មន្ទីរ អង្គភាពជុំវិញខេត្តត្រូវទទួលបន្ទុកអនុវត្តតាមខ្លឹមសារនៃសេចក្ដីសម្រេចនេះឱ្យមានប្រសិទ្ធភាពខ្ពស់៕