បាត់ដំបង៖ ពលករខ្មែរសរុប ២២១នាក់ ត្រូវបានអាជ្ញាធរថៃចាប់បញ្ជូនមកកម្ពុជាតាមច្រកតំបន់អូរអន្លក់ ស្ថិតក្នុងភូមិអូអន្លក់ ឃុំតាសែន ស្រុកកំរៀង ខេត្តបាត់ដំបង កាលពីថ្ងៃទី២២ ខែធ្នូ ឆ្នាំ២០២១ម្សិលមិញ។
មេបញ្ជាការនគរបាលវរ: ៨១៩ លោកវរៈសេនីយ៍ឯក ម៉ង់ ស៊ី បានឱ្យដឹងថាពលករខ្មែរដែលអាជ្ញាធរភាគីប្រទេសថៃបញ្ជូនមកអោយអាជ្ញាធរភាគីកម្ពុជាវិញនាពេលនេះសរុបមានបុរសចំនួន ៩២នាក់ ស្ត្រីចំនួន ៨៧នាក់ និងក្មេងចំនួន ៤២នាក់។
បើតាមលោក ម៉ង់ ស៊ី ពលករទាំងនោះត្រូវបានក្រុមគ្រូពេទ្យធ្វើតេស្តរហ័ស ដែលជាលទ្ធផលអវិជ្ជមានកូវីដ-១៩ ទាំងអស់ ហើយក្នុងចំណោមពលករខ្មែរសរុបចំនួន ២២១នាក់ ក្នុងនោះ ១៥៦នាក់ មានកាតទទួលបានវ៉ាក់សាំងរួចត្រូវក្រុមគ្រូពេទ្យធ្វើការអប់រំណែនាំអំពីវិធានការ ការពារការឆ្លងជំងឺកូវី-១៩ រួចបានអនុញ្ញាតអោយត្រឡប់ទៅស្រុកកំណើតរៀងៗខ្លួនវិញ ដោយឡែកអ្នកសេសសល់មិនទាន់មានកាតចាក់វ៉ាក់សាំងត្រូវបានចាត់បញ្ជូនទៅធ្វើចត្តាឡីស័កនៅមណ្ឌលគីឡូ៩ ស្រុកសំពៅលូន៕