សមត្ថកិច្ចបញ្ជូនជនជាតិថៃចំនួន២៥នាក់ទៅប្រទេសកំណើតវិញពាក់ពន្ធ័លួចឆ្លងដែនមកធ្វើការខុសច្បាប់នៅកម្ពុជា
បន្ទាយមានជ័យ៖ សមត្ថកិច្ចកម្ពុជាបញ្ជូនជនជាតិថៃប្រុស-ស្រី ចំនួន២៥នាក់ទៅប្រទេសកំណើតវិញ កាលពីរសៀលថ្ងៃទី២១ ខែធ្នូ ឆ្នាំ២០២១ ក្រោយរកឃើញថា ពួកគេបានលួចឆ្លងដែនមកស្នាក់នៅនិងធ្វើការខុសច្បាប់នៅក្នុងប្រទេសកម្ពុជា។
ស្នងការរងទទួលបន្ទុកអន្តោប្រវេសន៍ខេត្តបន្ទាយមានជ័យលោកឧត្តមសេនីយ៍ត្រី អេង លីហួរ បានឱ្យដឹងថាជនជាតិថៃប្រុសស្រីទាំង២៥នាក់នោះមានស្រី១១នាក់ ត្រូវបានសមត្ថកិច្ចឃាត់ខ្លួននៅក្នុងអាគារជួលមួយកន្លែង ខាងកើតជាប់បុរីសានហូរ ស្ថិតនៅក្នុងភូមិគីឡូលេខ៤ សង្កាត់ផ្សារកណ្តាល ក្រុងប៉ោយប៉ែត ក្រោយរកឃើញថាពួកគេលួចឆ្លងដែនមកស្នាក់នៅនិងធ្វើការខុសច្បាប់នៅកម្ពុជា។
អ្នកទាំង២៥នាក់នេះត្រូវបានបញ្ជូនទៅប្រទេសថៃវិញតាមច្រកអន្តរជាតិប៉ោយប៉ែត៕
ព័ត៌មានជាច្រើនទៀតសម្រាប់អ្នក
