ភ្នំពេញ៖ មនុស្សចំនួន ៣៦០នាក់ទៀតត្រូវបានរកឃើញមានករណីឆ្លងមេរោគ-១៩ ខណៈអ្នកជំងឺកូវីដ-១៩ចំនួន ៨៨៦ទៀតបានជាសះស្បើយ ហើយអនុញ្ញាតិឱ្យចេញពីមន្ទីពេទ្យ ប៉ុន្តែត្រូវបន្តធ្វើចត្តាឡីស័ករយៈ១៤ថ្ងៃបន្តទៀត។
នេះបើយោងតាមសេចក្តីប្រកាសព័ត៌មានរបស់ក្រសួងសុខាភិបាល នៅថ្ងៃទី១៧ ខែឧសភា ឆ្នាំ២០២១នេះ ដែលរកឃើញករណីនេះនៅថ្ងៃទី១៦ ខែឧសភា ឆ្នាំ២០២១។
គិតមកត្រឹមថ្ងៃនេះ កម្ពុជារកឃើញអ្នកមានជំងឺកូវីដ-១៩សរុបចំនួន ២២ ៥៤៤នាក់ ករណីជាសះស្បើយសរុបបានចំនួន ១៣ ០០៦នាក់ និងមានអ្នកស្លាប់សរុបចំនួន ១៥៤នាក់ (ស្លាប់ថ្មី ៤នាក់)។
ទន្ទឹមនេះ កម្ពុជារកឃើញករណីកូវីដ-១៩ នាំចូលពីក្រៅប្រទេសសរុបចំនួន ៦៣៤នាក់ (ករណីនាំចូលថ្មីចំនួន ៤នាក់)៕