ភ្នំពេញ :ក្រុមបាល់ទាត់ជម្រើសជាតិគោព្រៃកម្ពុជា នឹងត្រូវចាប់ផ្តើមយុទ្ធនាការជម្រុះបាល់ទាត់ World Cup ២០២២ នៅលើទឹកដីកណ្តាលប្រទេសបារ៉ែន នាថ្ងៃទី ០៣ រហូតដល់ថ្ងៃទី១១ ខែមិថុនាខាងមុខនេះ។

ដោយឡែក សម្រាប់កម្មវិធីលម្អិតនៃការប្រកួតរបស់កម្ពុជាមានដូចខាងក្រោម៖

- កម្ពុជា ប្រកួតជាមួយ បារ៉ែន ថ្ងៃព្រហស្បតិ៍ ទី ០៣ ខែមិថុនា ឆ្នាំ ២០២១ វេលាម៉ោង ១១៖៣០នាទីយប់ (ម៉ោងនៅកម្ពុជា)

- កម្ពុជា ប្រកួតជាមួយ អ៊ីរ៉ាក់ ថ្ងៃចន្ទ ទី ០៧ ខែមិថុនា ឆ្នាំ ២០២១ វេលាម៉ោង ០៩៖៣០នាទីយប់ (ម៉ោងនៅកម្ពុជា)

និងចុងក្រោយ កម្ពុជា ជួបជាមួយ អ៊ីរ៉ង់ ថ្ងៃសុក្រ ទី ១១ ខែមិថុនា ឆ្នាំ ២០២១ វេលាម៉ោង ០៩៖៣០នាទីយប់ (ម៉ោងនៅកម្ពុជា)

គួររំឮកថា កម្ពុជានឹងត្រៀមប្រមូលផ្តុំ និងហ្វឹកហាត់កីឡាករជម្រើសជាតិចាប់ពីថ្ងៃទី ២៨ ខែឧសភានេះ ខណៈដែលកន្លងមក កម្ពុជាបានបញ្ចប់ ៥ប្រកួតក្នុងពូល C ដោយមានត្រឹមមួយពិន្ទុប៉ុណ្ណោះ ក្នុងនោះរួមមានស្មើហុងកុង ១-១ និងចាញ់បារ៉ែន ១-០ ចាញ់អ៊ីរ៉ង់ ១៤-០ ចាញ់អ៊ីរ៉ាក់ ៤-០ និងប្រកួតចុងក្រោយចាញ់នៅដីហុងកុង ២-០៕