លោករដ្ឋមន្ត្រី ថោ ជេដ្ឋា អញ្ជើញចុះពិនិត្យវឌ្ឍនភាពគម្រោងពង្រីកសមត្ថភាពស្រោចស្រព និងការពារទឹកជំនន់នៃប្រព័ន្ធធារាសាស្ត្រព្រែកអូរដំរីឆ្លង-ព្រែកថ្មី ក្នុងភូមិសាស្ត្រខេត្តស្វាយរៀង | លោករដ្ឋមន្ត្រី ឌិត ទីណា ទទួលជួបសម្តែងការគួរសមជាមួយលោកស្រី Anna Wellenstein នាយកប្រចាំតំបន់សម្រាប់ការអនុវត្តសាកលនៃការអភិវឌ្ឍន៍ប្រកបដោយចីរភាព​ អាសុីបូព៌ា​ និងអាសុីប៉ាសុីហ្វិក​ នៃធនាគារពិភពលោក (WB) | វត្ថុបុរាណខ្មែរចំនួន១៤វត្ថុ បានប្រគល់មកដល់សារមន្ទីរជាតិកម្ពុជាហើយ នារសៀលនេះ | សម្ដេចតេជោចូលរួមរំលែកទុក្ខចំពោះមរណភាពនៃអ្នកមានគុណម្នាក់លើកិច្ចព្រមព្រៀងសន្ដិភាពកម្ពុជា |

ជនសង្ស័យជួញដូរគ្រឿងញៀនជាជនជាតិចិនម្នាក់ស្លាប់ក្នុងករណីបង្ក្រាបឧក្រិដ្ឋកម្មគ្រឿងញៀនជាង១តោននៅ ខេត្តព្រះសីហនុ

ខេត្តព្រះសីហនុ៖ តាមសេចក្ដីរាយការណ៍បឋមឱ្យដឹងថា ជនជាតិចិនតៃវ៉ាន់ដែលគេសង្ស័យជាឈ្មូញជូញដូរគ្រឿងញៀនម្នាក់បានស្លាប់ និង២នាក់ទៀតត្រូវបានចាប់ខ្លួន ក្នុងការបង្ក្រាបបទល្មើសគ្រឿងញៀនដ៏ធំបំផុតប្រចាំឆ្នាំ២០២១ នៅ តាមបណ្ដោយផ្លូវជាតិលេខ៤ទៅ ខេត្តព្រះសីហនុដោយចាប់បានគ្រឿងញៀនចំនួន ១ ៤៨០គីឡូក្រាម។

យោងតាមសេចក្ដីរាយការណ៍ដែលភ្នាក់ងារ EAC News ប្រចាំខេត្តព្រះសីហនុឱ្យដឹងថា មុនការបង្ក្រាបសមត្ថកិច្ចបាន ស៊ើបអង្កេតដឹងថានឹងមានការដឹកជញ្ជូនគ្រឿងញៀនចេញពីខេត្តកំពង់ស្ពឺឆ្ពោះទៅ ខេត្តព្រះសីហនុនាយប់ម៉ោងប្រមាណ១និង៣០នាទីឈានចូលថ្ងៃទី១២ ខែធ្នូ ហើយអគ្គស្នងការនគរបាលជាតិលោក នេត សាវឿន បានបញ្ជាដោយផ្ទាល់ឱ្យបង្ក្រាបបទល្មើសនេះផងដែរ។

កម្លាំងសមត្ថកិច្ចនៃមន្ទីរប្រឆាំងគ្រឿងញៀន និងនគរបាលបានស្នាក់ចាប់បានការដឹកជញ្ជូនគ្រឿងញៀនក្នុងភូមិបឹងត្រាច ឃុំចំការលួង ស្រុកកំពង់សិលា ខេត្តព្រះសីហនុ ក្រោយពីស្ទាក់ចាប់ក៏ត្រូវបានក្រុមឧក្រិដ្ឋជនទាំងនោះបាញ់មកលើសមត្ថកិច្ច ហើយក៏ត្រូវសមត្ថកិច្ចបាញ់ទប់ទល់វិញបណ្តាលឲ្យឧក្រិដ្ឋជនជាជនជាតិចិនតៃវ៉ាន់ម្នាក់មានឈ្មោះ LEE TSUNG HAN អាយុ៣២ឆ្នាំម្នាក់ត្រូវគ្រាប់ស្លាប់នៅនឹងកន្លែង និងម្នាក់ទៀតត្រូវចាប់ខ្លួនជាមួយរថយន្ត១គ្រឿង។

ក្រោយពីបានបង្ក្រាប សមត្ថកិច្ចក៏បានឈានដល់ការឆែកឆេរទីតាំងដឹកចេញក្នុងរោងចក្រផលិតដំណាប់ស្វាយមួយកន្លែង ស្ថិតក្នុងភូមិដំបងវេញ ឃុំសង្កែសាទប ស្រុកឱរ៉ាល់ ខេត្តកំពង់ស្ពឺផងដែរ។

គ្រឿងញៀនដែលចាប់បានមានជាប្រភេទម្សៅសសង្ស័យកេតាមីន(KE-TAMIN)ចំនួន ៧៤ការ៉ុង ក្នុង១ការ៉ុង ២០កញ្ចប់ធំ ស្មើប្រមាណ ១៤៨០គីឡូក្រាម ទាំងសំបក អាវុធខ្លី ម៉ាក់ K៥៤ ចំនួន១ដើម រថយន្ត ២គ្រឿង និងសារធាតុគីមីក៏ដូចជាឧបករណ៍កែច្នៃគ្រឿងញៀនមួយចំនួនធំ៕ 



ព័ត៌មានជាច្រើនទៀតសម្រាប់អ្នក