បាត់ដំបង៖ មន្ត្រីក្រសួងមហាផ្ទៃម្នាក់ និងយោធានិងអតីតយោធា៦នាក់ផ្សេងទៀតត្រូវបានសមត្ថកិច្ចខេត្តបាត់ដំបងសម្រេចឃាត់និងបញ្ជូនខ្លួនទៅកាន់សាលាដំបូងរាជធានីភ្នំពេញ ក្រោយការស៊ើបអង្កេតនិងសង្ស័យថាបានជួញដូរអាវុធដោយខុសច្បាប់។

ប្រភពពីសមត្ថកិច្ចខេត្តបាត់ដំបងឱ្យដឹងថាក្នុងចំណោមមនុស្ស៦នាក់នោះមាន ឧត្តមសេនីយចំនួន២រូបជាមន្ត្រីនៃអគ្គនាយកដ្ឋានសម្ភារ បច្ចេកទេសក្រសួងការពារជាតិ វរសេនីយ៍ឯក(ស័ក្កិ៥)១នាក់ រវសេនីយ៍ទោ(ស័ក្កិ៤កន្លះ)២នាក់ ទាហាននិងអតីតទាហានព្រំដែន២នាក់ និងម្នាក់ជាមន្ត្រីនាយកដ្ឋានវិនិយោគឯកជននៃអគ្គនាយកដ្ឋានអន្តោប្រវេសន៍។

ការឃាត់ខ្លួនមន្ត្រីស៊ីវិល និងយោធាទាំងនេះធ្វើឡើងបន្ទាប់ពីមានការរកឃើញជាបន្តបន្ទាប់នូវអាវុធជាច្រើនដែលលាក់ទុកនៅតាមបន្ទាត់ព្រំដែនកម្ពុជា-ថៃក្នុងខេត្តបាត់ដំបងក្នុងស្រុកភ្នំព្រឹក និងស្រុកកំរៀង ដែលសរុបរួមមាន AK47 ចំនួន១០០ដើម M79 ចំនួន៣ដើម បង់AKចំនួន៩៩បង់ Machine Gun 12,7mm មួយដើមដែលភ្ជាប់ជាមួយកាណុងត ជើងទ្រ និងគ្រាប់៥០៨គ្រាប់៕