ភ្នំពេញ : អូស្រ្តាលីបានផ្តល់ថវិកាបន្ថែម ចំនួន៤លានដុល្លារអូស្រ្តាលី ដើម្បីផ្តល់ការគាំទ្រជាបន្ទាន់​​ដល់ការឆ្លើយតបនិងការស្តារឡើងវិញរបស់ប្រទេសកម្ពុជា ពីជំងឺកូវីដ-១៩ តាមរយៈភាពជាដៃគូជាមួយយូអិនឌីភី UNDP Cambodia។

ក្នុងពិធីចុះហត្ថលេខា តាមប្រព័ន្ឋអនឡាញ កាលពីថ្ងៃទី១១ ខែឧសភា​​ ឆ្នាំ២០២១ ឯកអគ្គរាជទូតអូស្ត្រាលីប្រចាំ នៅប្រទេសកម្ពុជា ឯកឧត្តម Pablo Kang បានមានប្រសាសន៍ថា «ជំងឺកូវីដ-១៩ ធ្វើឳ្យមានបញ្ហាប្រឈមបន្ទាន់ដល់សេដ្ឋកិច្ចកម្ពុជា និងជីវភាពរស់នៅរបស់ប្រជាជនក្នុងប្រទេស។ ក្នុងនាមជាដៃគូនិងមិត្តភក្តិយូរអង្វែង យើងចង់ធ្វើគ្រប់យ៉ាងដែលអាចធ្វើទៅបាន ដើម្បីបន្ថយផលប៉ះពាល់ទាំងនេះ ជាពិសេសទៅលើជនងាយរងគ្រោះបំផុត»៕