ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | សម្តេចតេជោ ហ៊ុន សែន ជំរុញ​កិច្ច​សហប្រតិបត្តិការ​អាស៊ាន​ឲ្យ​កាន់​តែ​ខ្លាំង​ចំ​ពេល​មាន​បញ្ហា​ប្រឈម​ជា​សាកល | កម្ពុជា និងឥណ្ឌូនេស៊ី មានគោលបំណងជំរុញកិច្ចសហប្រតិបត្តិការក្នុងវិស័យសំខាន់ៗ | កម្ពុជាហាមឃាតការនាំចូលសត្វពានៈ និងផលិតផលសាច់សត្វ​ពី​ប្រទេស​ថៃ​ជា​បណ្ដោះអាសន្ន ចំ​ពេល​មាន​ការ​ផ្ទុះ​ជំងឺ​ឈាមខ្មៅ ឬជំងឺអង់ត្រាក់លើសត្វពាហនៈ | កម្ពុជា​ចុះ​​ប្រហុកសៀមរាបជាម៉ាកសម្គាល់ភូមិសាស្ត្រទំនិញដើម្បីលើកកម្ពស់ផលិតផលធ្វើម្ហូបបែបប្រពៃណីខ្មែរ |
ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | សម្តេចតេជោ ហ៊ុន សែន ជំរុញ​កិច្ច​សហប្រតិបត្តិការ​អាស៊ាន​ឲ្យ​កាន់​តែ​ខ្លាំង​ចំ​ពេល​មាន​បញ្ហា​ប្រឈម​ជា​សាកល | កម្ពុជា និងឥណ្ឌូនេស៊ី មានគោលបំណងជំរុញកិច្ចសហប្រតិបត្តិការក្នុងវិស័យសំខាន់ៗ | កម្ពុជាហាមឃាតការនាំចូលសត្វពានៈ និងផលិតផលសាច់សត្វ​ពី​ប្រទេស​ថៃ​ជា​បណ្ដោះអាសន្ន ចំ​ពេល​មាន​ការ​ផ្ទុះ​ជំងឺ​ឈាមខ្មៅ ឬជំងឺអង់ត្រាក់លើសត្វពាហនៈ | កម្ពុជា​ចុះ​​ប្រហុកសៀមរាបជាម៉ាកសម្គាល់ភូមិសាស្ត្រទំនិញដើម្បីលើកកម្ពស់ផលិតផលធ្វើម្ហូបបែបប្រពៃណីខ្មែរ |

អាស៊ានស្វាគមន៍ជំនួយកម្ចី ២៥០ពាន់លានដុល្លារពីជប៉ុន

  • ចុះផ្សាយថ្ងៃទី២៧ ខែតុលា ឆ្នាំ២០២១ ម៉ោង ១២:២៤ នាទី ដោយ Hun Sirivadh
  • 3189
  Aa |   aA

ភ្នំពេញ៖ ក្នុងកិច្ចប្រជុំកំពូលអាស៊ាន-ជប៉ុន នៅព្រឹកនេះអាស៊ានបានប្រកាសស្វាគមន៍ជំនួយជាកម្ចីជប៉ុនចំនួន ២៥០ពាន់លានដុល្លារ ជាពិសេសតាមរយៈគាំទ្រ និងការឆ្លើយតបនូវការគ្រោះមហន្តរាយពាក់ព័ន្ធនឹងជំងឺកូវីដ-១៩។

ក្នុងកិច្ចប្រជុំកំពូលរវាងថ្នាក់ដឹកនាំប្រទេសទាំង៩នៅអាស៊ាន ជាមួយនាយករដ្ឋមន្ត្រីជប៉ុនលោក គីស៊ីដា ហ្វូមីអូ នៅព្រឹកនេះ មេដឹកនាំអាស៊ាន-ជប៉ុន បានធ្វើការកត់សម្គាល់ទៅលើចំណុចពីរនៃទំនាក់ទំនងអាស៊ាន-ជប៉ុន គឺការអនុវត្តការកែសម្រួលសេចក្តីប្រកាសចក្ខុវិស័យ ស្ដីពីមិត្តភាព និងកិច្ចសហប្រតិបត្តិការអាស៊ានជប៉ុន និងវឌ្ឍនភាពស្ដីពីការអនុវត្តសេចក្តីប្រកាសរួមស្ដីពីកិច្ចសហប្រតិបត្តិការអាស៊ាន ជប៉ុន លើចក្ខុវិស័យអាស៊ានស្ដីពីឥណ្ឌូប៉ាស៊ីហ្វិក។

នៅក្នុងកិច្ចប្រជុំកំពូលនោះ ប្រមុខរដ្ឋាភិបាលអាស៊ាន បានថ្លែងអំណរគុណដល់រដ្ឋាភិបាលជប៉ុន ដែលបានផ្ដល់ជំនួយជាពិសេសពាក់ព័ន្ធការផ្ដល់វ៉ាក់សាំងប្រឆាំងជំងឺកូវីដ-១៩ដល់អាស៊ាននិងផ្ដល់វិភាគទាន ៥០លានដុល្លារដល់មជ្ឈមណ្ឌលអាស៊ាន សម្រាប់គ្រោះអាសន្នសុខភាពសាធារណៈ និងជំងឺកើតថ្មី។

ប្រមុខរដ្ឋាភិបាលនៃប្រទេសអាស៊ាន ក៏បានស្វាគមន៍នៃជំនួយជាកម្ចីពីជប៉ុនចំនួន ២៥០ពាន់លានដុល្លារ ជាពិសេសតាមរយៈការគាំទ្រ និងការឆ្លើយតបនូវគ្រោះមហន្តរាយពាក់ព័ន្ធនឹងជំងឺកូវីដ១៩។

កន្លងទៅនេះប្រមុខរដ្ឋាភិបាលអាស៊ាន បានស្វាគមន៍ចំពោះជំនួយឥតសំណងចំនួន ២០០លានដុល្លារ ដែលជប៉ុនបានប្រកាសជួយដល់បរិក្ខាពេទ្យនិងឧបករណ៍ផ្សេងៗ ព្រមទាំងបានជួយទៅលើផ្នែកបច្ចេកទេសដល់បណ្ដាប្រទេសអាស៊ាន។ ប្រមុខរដ្ឋាភិបាលអាស៊ាន ក៏បានស្នើឲ្យជប៉ុនបន្តជួយការកសាងសហគមន៍អាស៊ាន ជាពិសេសការតភ្ជាប់ផែនការមេឆ្នាំ២០២៥ និងជួយសមាហរណកម្មអាស៊ាន សម្រាប់ផែនគំនិតផ្ដួចផ្ដើមអាស៊ានលើកទី៤ព្រមទាំងឱ្យជប៉ុន ចូលរួមចំណែកក្នុងការកាត់បន្ថយគម្លាតនៃការអភិវឌ្ឍ ជាពិសេសនៅតំបន់មេគង្គ។

ទំនាក់ទំនងដៃគូរសន្ទនាអាស៊ានជប៉ុនត្រូវបានបង្កើតឡើងនៅឆ្នាំ១៩៧៣ គិតរហូតមកដល់ពេលនេះមានអាយុកាល៤៨ឆ្នាំហើយ។ ក្នុងឆ្នាំ២០២៣ ជាខួបលើកទី៥០ឆ្នាំនៃការបង្កើតភាពជាដៃគូរវាងអាស៊ាន និងជប៉ុន ដែលភាគីទាំងពីរសម្រេចជ្រើសរើសប្រទេសជប៉ុន ជាទីកន្លែងប្រជុំដើម្បីអបអរខួបទំនាក់ទំនងនេះ៕


ព័ត៌មានជាច្រើនទៀតសម្រាប់អ្នក