សៀមរាប : ចៅក្រមស៊ើបសួរសាលាដំបូងខេត្តសៀមរាប លោក ស៊ិន សង្ហា នៅថ្ងៃទី៧ ខែឧសភា ឆ្នាំ២០២១នេះបានចេញដីកាបង្គាប់ឱ្យឃុំខ្លួន បុគ្គលឈ្មោះ អ៉ឹង ថៃលី ភេទប្រុស អាយុ២២ឆ្នាំ ឱ្យស្ថិតនៅក្រោមការពិនិត្យពីបទ គេចវះពីការធ្វើចក្តាឡីស័ក ឬគេចចញពីទីកន្លែងធ្វើចត្តាឡីស័ក ប្រព្រឹត្តនៅភូមិកក្រាញ់ សង្កាត់សៀមរាប ក្រុងសៀមរាប ខេត្តសៀមរាប និងប្រព្រឹត្តទៅផ្សារក្រោម ភូមិវិហារចិន សង្កាត់ស្វាយដង្គំ ក្រុងសៀមរាប ខេត្តសៀមរាប កាលពីថ្ងៃទី២៦ ខែមីនា ឆ្នាំ២០២១។ 

ចៅក្រមស៊ើបសួរលោក ស៊ិន សង្ហា បញ្ជាក់ក្នុងដីការថានេះគឺបទល្មើសព្រហ្មទណ្ឌដែលមានចែងឱ្យផ្តន្ទាទោសតាមបញ្ញត្តិ មាត្រា ៧ នៃច្បាប់ស្តីពីវិធានការទប់ស្កាត់ការឆ្លងរាលដាលនៃជំងឺកូវីដ-១៩ និងជំងឺឆ្លងកាចសាហាវ និងប្រកបដោយគ្រោះថ្នាក់ធ្ងន់ធ្ងរផ្សេងទៀត។

លោក ស៊ិន សង្ហា ចៅក្រមស៊ើបសួរសាលាដំបូងខេត្តសៀមរាបបានបង្គាប់ឱ្យភ្នាក់ងារមានសមត្ថកិច្ចនៃកងកម្លាំងសាធារណៈធ្វើការនាំខ្លួនជនត្រូវចោទដែលមានឈ្មោះ អ៉ឹង ថៃលី ( ដូចមានអត្តសញ្ញាណខាងលើ) ទៅពន្ធនាគារខេត្តសៀមរាប ដោយអនុវត្តឱ្យបានត្រឹមត្រូវតាមច្បាប់។

ចៅក្រមស៊ើបសួរសាលាដំបូងខេត្តសៀមរាបបាន បានបង្គាប់ឱ្យប្រធានពន្ឋនាគារ ឬមណ្ឌលឃុំខ្លួនខេត្តសៀមរាប ទទួលនិងឃុំខ្លួនជននេះរហូតដល់មានបទបញ្ជាថ្មីសម្រេចផ្សេងពីនេះ៕