បាត់ដំបង : រដ្ឋបាលខេត្តបាត់ដំបង នៅថ្ងៃទី០៨ ខែឧសភា ឆ្នាំ២០២១ បានរកឃើញអ្នកជំងឺកូវីដ-១៩ដែលជាពលករវិលត្រឡប់មកពីទីក្រុងបាងកកប្រទេសថៃ ចំនួន២នាក់ ម្នាក់ឈ្មោះ តុ វីរៈ ភេទប្រុស អាយុ ៣៣ឆ្នាំ អាសយដ្ឋានរស់នៅភូមិអូរសំព័រ ឃុំអូរសំព័រ ស្រុកម៉ាឡៃ និងម្នាក់ទៀតឈ្មោះ សឺន សុង ភេទប្រុស អាយុ៣០ឆ្នាំ អាសយដ្ឋានរស់នៅភូមិអូរសំព័រឃុំអូរសំព័រស្រុកម៉ាឡៃ។
រដ្ឋបាលខេត្តបាត់ដំបង បានបន្តទៀតថាអ្នកជំងឺកូវីដ-១៩ខាងលើ បានវិលត្រឡប់ពីទីក្រុងបាងកក ប្រទេសថៃ តាមច្រកទ្វារតំបន់ព្រំដែន អូរអន្លក់ ស្រុកកំរៀង ហើយត្រូវបញ្ជូនមកធ្វើចត្តាឡីស័កកម្រិត១ នៅក្នុងវិទ្យាល័យពេជ្រចិន្តា ស្រុកភ្នំព្រឹក និងបានយកសំណាកទៅវិភាគទទួលបានលទ្ធផលនៅថ្ងៃទី០៨ ខែឧសភា ឆ្នាំ២០២១ឃើញថា៖ មានជំងឺ កូវីដ-១៩៕
