Aa |   aA
ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | ឃាត់ខ្លួនជនបរទេសជិត១០នាក់ ពាក់ព័ន្ធករណីកាន់កាប់អាវុធខុសច្បាប់ នៅខេត្តព្រះសីហនុ | BREAKING: ផ្អើលករណីពុលសាំងវិច ពីហាងសំពៅមាស មន្ត្រីសាលាក្រុងព្រះសីហនុ ជិត៥០នាក់កំពុងព្យាបាល | សម្តេច​តេ​ជោ ហ៊ុន សែន រំលឹកពី​អាហារ​​មួយពេល​ជា​ប្រវត្តិសាស្ត្រ​ជាមួយ​មេដឹកនាំ​ខ្មែរក្រហម​ | Update៖ ធ្លាក់យន្តហោះនៅកូរ៉េខាងត្បូង ឆក់ជីវិតអ្នកដំណើរស្ទើរតែទាំងអស់នៅលើយន្តហោះ | សម្តេចនាយករដ្ឋមន្ត្រី ហ៊ុន ម៉ាណែត ប្រារព្ធទិវាសន្តិភាពនៅកម្ពុជា ជាមួយនឹងការប្រកួតបាល់ទាត់មិត្តភាព | ប្រធានាធិបតីសហរដ្ឋអាមេរិកទី៣៩ លោក ជីមមី ខាតធ័រ ទទួលមរណភាពនៅអាយុ ១០០ឆ្នាំ |

West Ham រក្សាកំណត់ត្រាល្អបំផុតនៅ Europa League

  • ចុះផ្សាយថ្ងៃទី២២ ខែតុលា ឆ្នាំ២០២១ ម៉ោង ១០:០២ នាទី ដោយ Mesa
  • 759
  Aa |   aA

អង់គ្លេស៖ លោក​ David Moyes បានស្នើឱ្យកីឡាករទាំងអស់នៃក្លិប West Ham បន្តរក្សាភាពស្ងៀមស្ងាត់ និងផ្តោតលើដំណើរបន្តទៅរកជ័យជម្នះជើងឯកទ្វីបអឺរ៉ុបជាលើកដំបូងរបស់ខ្លួន​ ក្រោយការចាប់ផ្តើមរដូវកាលយ៉ាងល្អក្នុងពាន UEFA Europa League។ ការលើកឡើងបែបនេះ បន្ទាប់ពី West Ham បានបន្តរកឃើញជ័យជម្នះ ៣ប្រកួតផ្ទួនៗក្នុងការប្រកួតពូល H ក្រោយបំបាក់ក្លិបប៊ែលហ្សិក Genk ៣-០ នាកីឡដ្ឋានទីក្រុងឡុងដ៍យប់មិញនេះ។

Craig dawson, Issa Diop និង Jarrod Bowen ស៊ុតម្នាក់មួយគ្រាប់ជួយឱ្យ West Ham រកបាន ៣ពិន្ទុបន្ថែមទៀត ពោលគឺមាន ៩ពិន្ទុពេញ តាមពីក្រោយដោយ Dinamo Zagreb , Rapid Wien និង Genk ដែលមាន ៣ពិន្ទុដូចគ្នា។ អ្វីដែលគួរឱ្យចាប់អារម្មណ៍បំផុតមកទល់ពេលនេះ West Ham ជាក្រុមតែមួយគត់ដែលមិនទាន់ធ្លាយគ្រាប់បាល់នៅឡើយ ដោយស៊ុតចូលទីគេវិញ ៧គ្រាប់។ លទ្ធផលនេះមានន័យថា ៣ប្រកួតដែលនៅសេសសល់ West Ham ត្រូវការត្រឹម ៣ពិន្ទុប៉ុណ្ណោះដើម្បីឈានឡើងទៅកាន់វគ្គចាញ់ធ្លាក់ (Knock Out) ក្នុងជំនួបជាមួយ Dinamo Zagreb , Rapid Wien និង Genk នៅជើងទី២។

ក្រោយចប់ការប្រកួត លោក David Moyes និយាយថា៖ "ខ្ញុំនៅតែរក្សាភាពស្ងៀមស្ងាត់ដដែល ត្បិតពួកយើងត្រូវបន្តការប្រកួតក្រៅដីចំនួន២ ទល់នឹង Genk និង Rapid Vienna ដូច្នេះខ្ញុំមិនទាន់ធានាបានទាំងស្រុងទេចំពោះការឈានឡើងទៅវគ្គបន្ត។ ខ្ញុំធ្លាប់បាននិយាយពីខាងដើមរួចហើយ ខ្ញុំចង់បន្តដំណើរក្នុងពានរង្វាន់អឺរ៉ុបមុន Christmas ចូលមកដល់ ហើយខ្ញុំពិតជាកោតសរសើរចំពោះកីឡាករទាំងអស់ ពួកគេពិតជាធ្វើបានល្អមែនទែន"។

West Ham United មិនធ្លាប់ឈ្នះពានធំៗនៅអឺរ៉ុបបច្ចុប្បន្ននៅឡើយទេ រាប់ទាំងពាន UEFA Champions League និង UEFA Europa League។ កំណត់ត្រាឈ្នះពានល្អបំផុតរបស់ West Ham គឺការឈ្នះពាន UEFA Cup Winners ម្តងនៅឆ្នាំ១៩៦៥ និងឈ្នះពាន UEFA Intertoto Cup ម្តងនៅឆ្នាំ១៩៩៩។ ប្រកួតបន្ទាប់របស់ West Ham នឹងត្រូវបើកទ្វារកីឡដ្ឋានទីក្រុងឡុងដ៍ ទទួលស្វាគមន៍ Tottenham Hotspurs នាយប់ថ្ងៃអាទិត្យ ទី២៤ វេលាម៉ោង ៨យប់ (ម៉ោងនៅកម្ពុជា)៕




ព័ត៌មានជាច្រើនទៀតសម្រាប់អ្នក