វេណេហ្សូអេឡា៖ អតីតរដ្ឋមន្រ្តីការពារជាតិចូលនិវត្តន៍ លោកឧត្តមសេនីយ៍ Raul Baduel ដែលត្រូវបានចោទប្រកាន់ នឹងជាប់ពន្ធនាគារដោយសារការចោទប្រកាន់ពីបក្សប្រឆាំង បានទទួលមរណភាពក្នុងពន្ធនាគារដោយសារបញ្ហាជំងឺកូវីដ-១៩។ នេះបើតាមការបញ្ជាក់របស់មេធាវីផ្ទាល់របស់លោកម្សិលមិញនេះ។

លោក Raul Baduel ត្រូវបានឃុំខ្លួននៅក្នុងពន្ធនាគារតាំងពីឆ្នាំ២០០៩ ដោយរងការចោទប្រកាន់ពីអំពើពុករលួយ ក្រោយពេលលោកធ្លាក់ពីតំណែងក្រោយការចាញ់ឆ្នោតរបស់គណបក្សសង្គមនិយម។​ ក្រោយមកលោកត្រូវបានជាប់បំរាមឃុំខ្លួននៅក្នុងផ្ទះ មុននឹងត្រូវបានបញ្ជូនទៅពន្ធនាគារសាជាថ្មីម្តងទៀតនៅឆ្នាំ២០១៧ ដោយរងការចោទប្រកាន់ពីបទឃុបឃិតទល់នឹងរដ្ឋាភិបាល។

លោក Tarek Saab មេធាវីតំណាងរបស់លោក Raul Baduel ថ្លែងថា៖ "យើងសោកស្តាយចំពោះការស្លាប់របស់ Raul Isaias Baduel ដោយសារជំងឺខ្សោយបេះដូង-និងផ្លូវដង្ហើមដែលបង្កឡើងដោយវីរុសកូវីដ-១៩ ទោះបីជាលោកបានទទួលការថែទាំសុខភាពដិតដល់ ព្រមទាំងបានទទួលវ៉ាក់សាំងកូវីដ-១៩ ដូសទី១រួចរាល់ក៏ដោយ"។ យ៉ាងណាមិញ មេធាវីខាងលើមិនបានបញ្ជាក់ឡើយថា មរណភាពរបស់លោកកើតឡើងពេលបញ្ជូនមកដល់មន្ទីរពេទ្យ ឬស្លាប់នៅក្នុងពន្ធនាគារនោះទេ។ 

ក្រុមឃ្លាំមើលសិទ្ធិមនុស្សនៅក្នុងប្រទេសវេណេហ្សូអេឡាបានដាក់បន្ទុកនៃការទទួលខុសត្រូវលើរដ្ឋាភិបាលចំពោះមរណភាពនេះ៕