ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | សម្តេចតេជោ ហ៊ុន សែន ជំរុញ​កិច្ច​សហប្រតិបត្តិការ​អាស៊ាន​ឲ្យ​កាន់​តែ​ខ្លាំង​ចំ​ពេល​មាន​បញ្ហា​ប្រឈម​ជា​សាកល | កម្ពុជា និងឥណ្ឌូនេស៊ី មានគោលបំណងជំរុញកិច្ចសហប្រតិបត្តិការក្នុងវិស័យសំខាន់ៗ | កម្ពុជាហាមឃាតការនាំចូលសត្វពានៈ និងផលិតផលសាច់សត្វ​ពី​ប្រទេស​ថៃ​ជា​បណ្ដោះអាសន្ន ចំ​ពេល​មាន​ការ​ផ្ទុះ​ជំងឺ​ឈាមខ្មៅ ឬជំងឺអង់ត្រាក់លើសត្វពាហនៈ | កម្ពុជា​ចុះ​​ប្រហុកសៀមរាបជាម៉ាកសម្គាល់ភូមិសាស្ត្រទំនិញដើម្បីលើកកម្ពស់ផលិតផលធ្វើម្ហូបបែបប្រពៃណីខ្មែរ |
ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | សម្តេចតេជោ ហ៊ុន សែន ជំរុញ​កិច្ច​សហប្រតិបត្តិការ​អាស៊ាន​ឲ្យ​កាន់​តែ​ខ្លាំង​ចំ​ពេល​មាន​បញ្ហា​ប្រឈម​ជា​សាកល | កម្ពុជា និងឥណ្ឌូនេស៊ី មានគោលបំណងជំរុញកិច្ចសហប្រតិបត្តិការក្នុងវិស័យសំខាន់ៗ | កម្ពុជាហាមឃាតការនាំចូលសត្វពានៈ និងផលិតផលសាច់សត្វ​ពី​ប្រទេស​ថៃ​ជា​បណ្ដោះអាសន្ន ចំ​ពេល​មាន​ការ​ផ្ទុះ​ជំងឺ​ឈាមខ្មៅ ឬជំងឺអង់ត្រាក់លើសត្វពាហនៈ | កម្ពុជា​ចុះ​​ប្រហុកសៀមរាបជាម៉ាកសម្គាល់ភូមិសាស្ត្រទំនិញដើម្បីលើកកម្ពស់ផលិតផលធ្វើម្ហូបបែបប្រពៃណីខ្មែរ |

សម្ដេចក្រឡាហោម ស ខេង ឱ្យអាជ្ញាធរពង្រឹងការគ្រប់គ្រងខ្សែបន្ទាត់ព្រំដែននិងរកទីផ្សារជូនប្រជាពលរដ្ឋ

  • ចុះផ្សាយថ្ងៃទី១១ ខែតុលា ឆ្នាំ២០២១ ម៉ោង ១៨:០៤ នាទី ដោយ Dombong Khmao
  • 994
  Aa |   aA

បាត់ដំបង៖ ឧបនាយករដ្ឋមន្ត្រីនិងជារដ្ឋមន្ត្រីក្រសួងមហាផ្ទៃ សម្ដេចក្រឡាហោម ស ខេង បានបញ្ជាដល់កម្លាំងនគរបាលព្រំដែន និងអាជ្ញាធរដែនដីក៏ដូចជាសមត្ថកិច្ចពាក់ព័ន្ធមួយចំនួនទៀតពង្រឹងការគ្រប់គ្រងខ្សែបន្ទាត់ព្រំដែន និងបង្កលក្ខណសម្បត្តិដើម្បីរកទីផ្សារជូនប្រជាពលរដ្ឋ។

ថ្លែងក្នុងពិធីប្រកាសចូលកាន់មុខតំណែងអភិបាល នៃគណៈអភិបាលខេត្តបាត់ដំបង នាព្រឹកថ្ងៃទី១១ ខែតុលា ឆ្នាំ២០២១នេះ សម្ដេចក្រឡាហោម ស ខេង បានបញ្ជាដល់កម្លាំងនគរបាលព្រំដែននិងអាជ្ញាធរដែនដីក៏ដូចជាសមត្ថកិច្ចពាក់ព័ន្ធពង្រឹងការគ្រប់គ្រងខ្សែបន្ទាត់ព្រំដែននិងត្រូវខិតខំលើកទឹកចិត្តអោយមានការផ្លាស់ប្ដូរទំនិញឆ្លងព្រំដែនតាមរយៈសម្របសម្រួលការដឹកជញ្ជូនផលិតផលនានាទៅលក់នៅថៃ ឬទំនិញនានាពីថៃមកកម្ពុជាអោយបានច្រើនដើម្បីជួយដល់សេដុ្ឋកិច្ចពលរដ្ឋ។

ជាមួយគ្នានេះដែរ សម្តេចក្រឡាហោម ស ខេង ក៏ជំរុញឱ្យយកចិត្តទុកដាក់ធ្វើយ៉ាងណាបំរើប្រជាពលរដ្ឋដោយដាក់សេវារដ្ឋបាលឱ្យកៀកប្រជាជន និងត្រូវខិតខំដើម្បីផ្តល់សេវាសាធារណៈនេះអោយបានល្អប្រសើរ។

ការលើកឡើងរបស់សម្ដេចក្រឡាហោមនាពេលនេះ ក្នុងពេលដែលផ្លាស់ប្ដូរអភិបាលខេត្តបាត់ដំបងថ្មី គឺលោក សុខ លូ ដែលត្រូវផ្ទេរពីអភិបាលខេត្តកំពង់ធំ មកកាន់ជាអភិបាលនៃគណៈអភិបាលខេត្តបាត់ដំបង ជំនួសលោក ងួន រតនៈ ដែលត្រូវផ្ទេរទៅជាអភិបាលនៃគណៈអភិបាលខេត្តកំពង់ធំវិញ៕


ព័ត៌មានជាច្រើនទៀតសម្រាប់អ្នក