បន្ទាយមានជ័យ៖ អភិបាលខេត្តបន្ទាយមានជ័យ លោក អ៊ុ រាត្រី នាំយកស្បៀងសង្គ្រោះបន្ទាន់ ជាអំណោយរបស់សម្តេចតេជោ ហ៊ុន សែន នាយក រដ្ឋមន្ត្រី នៃ កម្ពុជា និងសម្តេចកិត្តិព្រឹទ្ធិបណ្ឌិត ចែកជូនដល់ពលរដ្ឋដែលរងគ្រោះដោយសារទឹកជំនន់ នៅទីទួលសុវត្ថិភាព ក្នុងក្រុងសិរីសោភ័ណ និងស្រុកមង្គលបូរី សរុបចំនួន១,១៩៨គ្រួសារ នៅរសៀលថ្ងៃទី១ ខែតុលា ឆ្នាំ ២០២១។

នៅឱកាសនោះលោក អ៊ុ រាត្រី អភិបាលខេត្ត ក៏បានថ្លែងនូវអំណរគុណចំពោះសម្តេចទាំងទ្វេ ដែលជានិច្ចកាលតែងតែគិតគូពីសុខទុកពលរដ្ឋក្នុងពេលលំបាក ពិសេសខេត្តបន្ទាយមានជ័យដែលរងគ្រោះដោយវិបត្តកូវីដ-១៩ផង និងកំពុងរងគ្រោះដោយសារទឹកជំនន់ផង។

លោកអភិបាលខេត្ត ក៏បានសំណេះសំណាលជាមួយពលរដ្ឋនៅទីទួលសុវត្ថិភាព ដោយបានណែនាំដល់ពលរដ្ឋត្រូវចូលរួមថែរក្សាសុខភាព តាមរយៈ ការហូបស្អាត ផឹកស្អាត និងរស់នៅស្អាត ប្រកបដោយអនាម័យខ្ពស់ ។ ដោយមិនត្រូវបណ្តែតបណ្តោយកូនឬចៅតូចៗលែងទឹក កករែងមានករណីលង់ទឹកជាដេីម ហេីយត្រូវប្រុងប្រយ័ត្នចំពោះសត្វអសិរពិសទិច ឬខាំ ហេីយបេីមានសត្វអសិរពិសទិច ឬខាំ ត្រូវប្រញ៉ាប់ទៅមណ្ឌលសុខភាពដេីម្បីធ្វេីការព្យាបាលភ្លាមៗ។

មួយវិញទៀត ត្រូវប្រកាន់ភ្ជាប់នូវវិធានការរបស់ក្រសួងសុខាភិបាល កុំឲ្យមានការឆ្លងរាលដាលជំងឺកូវីដ-១៩ ដោយត្រូវអនុវត្តវិធានការ "៣ការពារ ៣កុំ"៕