ភ្នំពេញ៖ ព្រះមហាក្សត្រកម្ពុជា រាជានុញ្ញាតឱ្យគ្រូពេទ្យចិន ចាក់វ៉ាក់សាំងការពារជំងឺកូវីដ-១៩ ដូសទី២ នៅព្រះរាជដំណាក់ក្នុងប្រទេសចិន។
យោងតាមការផ្សព្វផ្សាយរបស់ ទូរទស្សនជាតិ នៅថ្ងៃទី ២២ ខែកញ្ញា ឆ្នាំ២០២១នេះ ព្រះករុណា ព្រះបាទសម្ដេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា និងសម្តេចព្រះមហាក្សត្រី ព្រះវររាជមាតា បានសព្វព្រះរាជហឫទ័យ រាជានុញ្ញាតឲ្យក្រុមគ្រូពេទ្យចិន ចាក់វ៉ាក់សាំងថ្វាយដូសទី២ នៅព្រះរាជដំណាក់ក្រុងប៉េកាំង សាធារណរដ្ឋប្រជាមានិតចិន។
ព្រះមហាក្សត្រ និងព្រះវររាជមាតា បានយាងទៅប្រទេសចិនកាលពីថ្ងៃទី១៦ ខែសីហា ដើម្បីពិនិត្យព្រះរាជសុខភាព ដែលជាទូទៅព្រះអង្គទាំងទ្វេតែងពិនិត្យសុខភាព២ដង ក្នុង១ឆ្នាំនៅប្រទេសចិន៕
