(ភ្នំពេញ)៖ មនុស្សចំនួន ៣៨៨នាក់ទៀត ត្រូវបានរកឃើញថាមានវិជ្ជមានវីរុសកូវីដ-១៩ ឯអ្នកជំងឺ ចំនួន ៤៨នាក់ទៀតបានជាសះស្បើយចេញពីមន្ទីរពេទ្យ នៅថ្ងៃទី៣០ ខែមេសា ឆ្នាំ២០២១ បន្ទាប់ពីបានធ្វើតេស្តឃើញអវិជ្ជមានចំនួន២លើក ប៉ុន្តែត្រូវបន្តធ្វើចត្តាឡីស័ក១៤ថ្ងៃ ដើម្បីតាមដានសុខភាព។ នេះបើតាមសេចក្តីប្រកាសព័ត៌មានក្រសួងសុខាភិបាល នៅព្រឹកថ្ងៃទី១ ខែឧសភា ឆ្នាំ២០២១។

មនុស្សនៅក្នុងរាជធានីភ្នំពេញចំនួន ៣៣១នាក់ ត្រូវបានរកឃើញថាមានវិជ្ជមានវីរុសកូវីដ១៩ ស្របពេលដែលមនុស្សរស់នៅក្នុងខេត្តបន្ទាយមានជ័យ (35) ព្រៃវែង (8) កណ្ដាល (4) កំពង់ស្ពឺ (3) តាកែវ (2) កំពង់ចាម (2) សៀមរាប (1) ស្វាយរៀង (1) ក៏ត្រូវបានរកឃើញថាមានវីរុសកូវីដ-១៩។

សូមជម្រាបថា គិតត្រឹមថ្ងៃទី១ ខែឧសភា ឆ្នាំ២០២១នេះកម្ពុជាបានរកឃើញអ្នកឆ្លងសរុបចំនួន ១៣ ៧៩០នាក់ ក្នុងនោះករណីសហគមន៍ ២០កុម្ភៈ ចំនួន១៣២៣៧ ,អ្នកជាសះស្បើយចំនួន ៥ ២០០នាក់, អ្នកកំពុងសម្រាកព្យាបាលចំនួន ៨ ៤៨៧នាក់ និងអ្នកស្លាប់ចំនួន ៩៦នាក់៕