កម្ពុជាហាមឃាតការនាំចូលសត្វពានៈ និងផលិតផលសាច់សត្វពីប្រទេសថៃជាបណ្ដោះអាសន្ន ចំពេលមានការផ្ទុះជំងឺឈាមខ្មៅ ឬជំងឺអង់ត្រាក់លើសត្វពាហនៈ
ភ្នំពេញ៖ កម្ពុជាបានដាក់បម្រាមបណ្តោះអាសន្នលើការនាំចូលសត្វពានៈ និងផលិតផលសាច់សត្វពីប្រទេសថៃឆ្លងកាត់ព្រំដែនទាំងអស់ បន្ទាប់ពីមានការផ្ទុះឡើងនៃជំងឺឈាមខ្មៅ ឬជំងឺអង់ត្រាក់លើសត្វពាហនៈ (គោ-ក្របី) ក្នុងប្រទេសថៃ។ វិធានការនេះមានគោលបំណងតាមដានសុខភាពសត្វពាហនៈ និងធ្វើការអន្តរាគមន៍ក្នុងករណីសង្ស័យ។
ក្រសួងកសិកម្ម រុក្ខាប្រមាញ់ និងនេសាទ បានប្រកាសពីចំណាត់ការនេះ នៅក្នុងសេចក្តីប្រកាសព័ត៌មាន ចេញផ្សាយនៅថ្ងៃទី៦ ខែឧសភា ឆ្នាំ២០២៥។ យោងតាមការចេញផ្សាយ បានឲ្យដឹងថា បច្ចុប្បន្ននេះ ប្រទេសកម្ពុជាមិនមានករណីជំងឺ ជំងឺឈាមខ្មៅ ឬជំងឺអង់ត្រាក់លើសត្វពាហនៈ (គោ-ក្របី) ទេ។ ក្រសួងកំពុងតាមដានយ៉ាងដិតដល់នូវស្ថានភាពនៅក្នុងប្រទេសថៃ ដែលការវិវឌ្ឍន៍ថ្មីៗបានបង្កើនការព្រួយបារម្ភអំពីការចម្លងជំងឺ Zoonotic ។
លោក លី សុវណ្ណ ប្រធាននាយកដ្ឋានប្រយុទ្ធនឹងជំងឺឆ្លង (CDC) បានបញ្ជាក់តាមសារព័ត៌មានក្នុងស្រុកមួយថា ជំងឺឈាមខ្មៅ ឬជំងឺអង់ត្រាក់លើសត្វពាហនៈ (គោ-ក្របី) Anthrax ដែលជាជំងឺដែលប៉ះពាល់ដល់សត្វគោ និងក្របីភាគច្រើនមិនត្រូវបានរកឃើញនៅក្នុងប្រទេសកម្ពុជានោះទេ។ លោកបានបញ្ជាក់ថា សាធារណជនត្រូវមានការប្រុងប្រយ័ត្ន ដោយចៀសវាងការបរិភោគសាច់គោឆៅ ឬសាច់ក្របី និងចៀសវាងការសម្លាប់សត្វឈឺដើម្បីលក់ ដើម្បីការពារការចម្លងជំងឺនេះ ។
របាយការណ៍ថ្មីៗពីប្រព័ន្ធផ្សព្វផ្សាយថៃ បង្ហាញពីករណីជំងឺឈាមខ្មៅ ឬជំងឺអង់ត្រាក់លើសត្វពាហនៈ (គោ-ក្របី) មានចំនួនពីរករណី កើតនៅក្នុងប្រទេសថៃកាលពីសប្តាហ៍មុន បណ្តាលឱ្យស្លាប់មនុស្សម្នាក់ ដែលការស្លាប់នេះគឺជាលើកដំបូងក្នុងរយៈពេល ៣០ ឆ្នាំនៅក្នុងប្រទេសថៃ។ ការស៊ើបអង្កេតបានភ្ជាប់ការឆ្លងទៅនឹងការទទួលទានសាច់គោឆៅដែលមានមេរោគបាក់តេរី anthrax ជាពិសេសក្នុងអំឡុងពេលពិធីសាសនានៅក្នុងខេត្ត ម៉ុកដាហាន។ បច្ចុប្បន្ននេះ មនុស្សជាង ២៤៧ នាក់កំពុងស្ថិតក្រោមការពិនិត្យតាមដាន ដែលត្រូវបានសង្ស័យថាមានហានិភ័យខ្ពស់ ហើយការដាក់ឱ្យនៅដាច់ពីគេ។ ការផ្ទុះឡើងនេះបានបង្ហាញពីភាពងាយរងគ្រោះនៅក្នុងប្រព័ន្ធគ្រប់គ្រងសុខភាពសាធារណៈ និងបសុសត្វរបស់ប្រទេសថៃ។
ជាការឆ្លើយតប ក្រសួងកម្ពុជាបានដាក់បម្រាមបណ្តោះអាសន្នលើការនាំចូលសាច់ និងសត្វពីប្រទេសថៃ ដោយធ្វើការយ៉ាងជិតស្និទ្ធជាមួយអាជ្ញាធរព្រំដែន ដើម្បីពង្រឹងវិធានការត្រួតពិនិត្យ និងត្រួតពិនិត្យឲ្យបានខ្ពស់។ អគ្គនាយកដ្ឋានសុខភាពសត្វ និងផលិតកម្មសត្វ បានបង្កើតបណ្តាញប្រតិកម្មរហ័សនៅទូទាំង ២៥ រាជធានី ខេត្ត ដើម្បីតាមដានសុខភាពសត្វ និងឆ្លើយតបឱ្យបានឆាប់រហ័សចំពោះករណីសង្ស័យ។
អាជ្ញាធរកម្ពុជាបញ្ជាក់ជាថ្មីពីការប្ដេជ្ញាចិត្តក្នុងការទប់ស្កាត់ការចូលនិងការរីករាលដាលនៃមេរោគអង់ត្រាក់ (ជំងឺឈាមខ្មៅ ឬជំងឺអង់ត្រាក់លើសត្វពាហនៈ (គោ-ក្របី) ) ហើយក្រសួងកសិកម្ម នឹងបន្តតាមដានស្ថានភាព និងផ្តល់ព័ត៌មានថ្មីៗតាមការចាំបាច់៕
