ភ្នំពេញ៖ តបតាមការអញ្ជើញរបស់ព្រះករុណា ព្រះបាទសម្តេច ព្រះបរមនាថ នរោត្តម សីហមុនី, ប្រធានាធិបតី នៃសាធារណរដ្ឋប្រជាមានិតចិន លោក ស៊ី ជីនពីង នឹងមកបំពេញទស្សនកិច្ចផ្លូវរដ្ឋនៅព្រះរាជាណាចក្រកម្ពុជា ចាប់ពីថ្ងៃទី១៧ ដល់ថ្ងៃទី១៨ ខែមេសា ឆ្នាំ២០២៥ នេះបើតាមក្រសួងការបរទេស និងសហប្រតិបត្តិការអន្តរជាតិ បានប្រកាសនៅថ្ងៃនេះ។ 

ក្នុងដំណើរទស្សនកិច្ចនេះ លោកប្រធានាធិបតី ស៊ី គ្រោងនឹងនឹងចូលគាល់ ព្រះករុណាជាអម្ចាស់ជីវិតលើត្បូង ព្រះមហាក្សត្រ ដាច់ដោយឡែកពី សម្ដេចព្រះមហាក្សត្រី នរោត្តម មុនិនាថ សីហនុ ព្រះវររាជមាតាជាតិខ្មែរ នៅព្រះបរមរាជវាំង នៅព្រះបរមរាជវាំង ក្នុងរាជធានីភ្នំពេញ។ 

លោកប្រធានាធិបតីក៏នឹងជួបពិភាក្សាការងារជាមួយសម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា និងសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជាផងដែរ។ ថ្នាក់ដឹកនាំរំពឹងថានឹងពិភាក្សាអំពីវិធីធ្វើឱ្យទំនាក់ទំនងទ្វេភាគីកម្ពុជា-ចិនកាន់តែស៊ីជម្រៅ និងផ្លាស់ប្តូរទស្សនៈលើបញ្ហាតំបន់ និងអន្តរជាតិដែលមានផលប្រយោជន៍ទៅវិញទៅមក។ 

ដំណើរទស្សនកិច្ចនេះត្រូវបានគេរំពឹងថានឹងពង្រឹងបន្ថែមទៀតនូវទំនាក់ទំនងមិត្តភាពដ៏យូរអង្វែង និងលើកកម្ពស់ភាពជាដៃគូយុទ្ធសាស្ត្រគ្រប់ជ្រុងជ្រោយរវាងប្រទេសទាំងពីរ។ ទស្សនកិច្ចនេះក៏នឹងបង្កើនសារៈសំខាន់បន្ថែមទៀតដល់ចំណងមិត្តភាពដែកថែប និងភាពជាដៃគូយុទ្ធសាស្ត្រគ្រប់ជ្រុងជ្រោយ រវាងប្រជាជាតិទាំងពីរ។

យោងតាមក្រសួងការបរទេស, កិច្ចព្រមព្រៀងទ្វេភាគីជាច្រើនត្រូវបានគេរំពឹងថានឹងត្រូវបានចុះហត្ថលេខាក្នុងអំឡុងដំណើរទស្សនកិច្ចនេះ ដោយពង្រីកកិច្ចសហប្រតិបត្តិការក្នុងវិស័យនានា។

ដំណើរទស្សនកិច្ចនាពេលខាងមុខរបស់ប្រធានាធិបតី Xi គឺជាប្រវត្តិសាស្ត្រថ្មីមួយទៀតនៃទំនាក់ទំនងជិតស្និទ្ធ និងយូរអង្វែងរវាងកម្ពុជា និងចិន ដែលជារឿយៗត្រូវបានពិពណ៌នាដោយភាគីទាំងពីរថាជា "មិត្តដែកថែប"៕