ភ្នំពេញ៖ នាព្រឹកថ្ងៃទី២៤ ខែមីនា ឆ្នាំ២០២៥ និស្សិតអាហារូបករណ៍ សម្តេចអគ្គមហាសេនាបតីតេជោ ហ៊ុន សែន និងសម្តេចកិត្តិព្រឹទ្ធបណ្ឌិត (អ.ម.ត) រាជធានីភ្នំពេញ បានចូលរួមកម្មវិធី “ស្វែងយល់ពីបរិស្ថាន និងប្រជាជននៅតំបន់ទន្លេមេគង្គ” ក្នុងមហោស្រពភាពយន្តអន្តរជាតិកម្ពុជា លើកទី១៤ ក្រោមអធិបតីភាព លោក ឌិត ទីណា រដ្ឋមន្រ្តីក្រសួងកសិកម្ម រុក្ខាប្រមាញ់ និងនេសាទ នៅមជម្ឈមណ្ឌលសហប្រតិបត្តិការកម្ពុជា-ជប៉ុន (CJCC) នៃសាកលវិទ្យាល័យភូមិន្ទភ្នំពេញ។

និស្សិតអាហារូបករណ៍ អ.ម.ត ដែលចូលរួមកម្មវិធីនេះ បានយល់ដឹងពីបរិស្ថាន មានជាអាទិ៍ ធនធានធម្មជាតិ ជីវៈចម្រុះ និងការប្រែប្រួលអាកាសធាតុ ក៏ដូចជាសិក្សាស្វែងយល់ពីបញ្ហាប្រឈម និងដំណោះស្រាយ តាមរយៈការចាក់បញ្ចាំងភាពយន្តឯកសារ និងកិច្ចពិភាក្សាជាមួយអ្នកជំនាញមកពីអង្គការជាតិ និងអន្តរជាតិ។