ភ្នំពេញ ៖ បុរសវ័យ៤០ឆ្នាំម្នាក់បានរងរបួសយ៉ាងធ្ងន់ធ្ងរបន្ទាប់ពីព្យាយាមធ្វើអត្តឃាតដុតខ្លួនឯងនៅ ពហុកីឡដ្ឋានជាតិអូឡាំពិក (ដំបូលបី) ក្នុងសង្កាត់វាលវង់ ខណ្ឌមករា នៅព្រឹកថ្ងៃទី០២ ខែកុម្ភៈ ឆ្នាំ២០២៥។
ក្រុមការងារព័ត៌មាន និងប្រតិកម្មរហ័ស នៃស្នងការដ្ឋាននគរបាល បានធ្វើសេចក្តីរាយការណ៍ថា ជនរងគ្រោះឈ្មោះ កែវ សុខពៅ ត្រូវបានរថយន្តសង្គ្រោះដឹកយកទៅសង្គ្រោះនៅមន្ទីរពេទ្យកាល់ម៉ែត វេលាម៉ោង ៧:២០នាទីព្រឹក ដើម្បីសង្គ្រោះបន្ទាន់។
តាមសាក្សីដែលកំពុងហាត់ប្រាណនៅតំបន់បានឲ្យដឹងថា ខ្លួននោះបានប្រទះឃើញ បុរស ដែលត្រូវបានដឹងថាឈ្មោះ ពៅ បានធ្វើសកម្មភាពដុតខ្លួនឯង ខណៈនោះប្រជាពលរដ្ឋក្នុងមូលដ្ឋានបានប្រញាប់ទៅជួយសង្គ្រោះមុន និងទំនាក់ទំនងទៅសមត្ថកិច្ចដើម្បីហៅរថយន្តសង្គ្រោះទៅកន្លែងកើតហេតុ។
បងស្រីរបស់ជនរងគ្រោះឈ្មោះ កែវ ស្រីតូច អាយុ៤៦ឆ្នាំ បានប្រាប់សមត្ថកិច្ចថា ប្អូនប្រុសរបស់គាត់មានប្រវត្តិ ជំងឺផ្លូវចិត្ត និងធ្លាប់ប្រើប្រាស់គ្រឿងញៀន។ នាងបានបញ្ជាក់ថា គាត់បានបាត់ពីផ្ទះអស់ពីរហើយ ប៉ុន្មានថ្ងៃមុនកើតហេតុ។
គ្រូពេទ្យនៅមន្ទីរពេទ្យកាល់ម៉ែតបានបង្ហើបថា កែវ សុខពៅ ធ្លាប់ប៉ុនប៉ងដុតខ្លួនឯងដងរួចមកហើយនៅក្បែរវិមានឯករាជ្យ៕
