បន្ទាយមានជ័យ ៖ ដើម្បីធានាដល់គុណភាពផ្លូវមានលក្ខណៈយូរអង្វែង ក្រុមការងារក្រសួងសាធារណៈការ និងដឹកជញ្ជូន ដឹកនាំដោយលោក សេង ឈួត រដ្ឋលេខាធិការក្រសួងសាធារណការ និងដឹកជញ្ជូន នឹងជាប្រធានគណកម្មការសម្របសម្រួលជញ្ជីងថ្លឹងរថយន្តចល័តទូទាំងប្រទេស រួមនឹងប្រតិភូអមដំណើរ បានដាក់ជញ្ជីងចល័តត្រួតពិនិត្យឃាត់រថយន្តដឹកលើសទម្ងន់កំណត់ ធ្វើដំណើរតាមដងផ្លូវជាតិលេខ៥ នៅត្រង់ចំនុចផ្លូវហាយវេ (ផ្លូវវាងក្រុង) នៅថ្ងៃទី០៤ ខែកញ្ញា ឆ្នាំ២០២១។

ដោយអនុវតន៍តាមអនុសាសន៍របស់លោក ទេសរដ្ឋមន្រ្តី ស៊ុន ចាន់ថុល រដ្ឋមន្ត្រីក្រសួងសាធារណៈការ ក្រុមការងារក្រសួងដឹកនាំដោយលោកផ្ទាល់ រួមជាមួយក្រុមការងារក្រសួង លោក សុក ចាន់ថា ប្រធានមន្ទីរសាធារណការ និងដឹកជញ្ជូនខេត្ត បានដាក់ជញ្ជីងចល័តនៅចំនុចផ្លូវហាយវេ (ផ្លូវវាងក្រុង) ដើម្បីធ្វើការត្រួតពិនិត្យរថយន្តធំៗដែលដឹកទំនិញលើសទម្ងន់កំណត់ ដែលជាហេតុធ្វើឲ្យគុណភាពផ្លូវមិនអាចទ្រាំទ្រមិនបាន ធ្វើឲ្យខូចផ្លូវដើម្បីយកទៅធ្វើការផាកពិន័យទៅតាមច្បាប់ដែលក្រសួងបានកំណត់។

លោកក៏បានថ្លែងនូការអំពាវនាវដល់ម្ចាស់យានយន្តធំៗដែលប្រើប្រាស់ផ្លូវថ្នល់ សូមចូលរួមជាមួយក្រសួង ក៏ដូចជាមន្ទីរ មេត្តាកុំដឹកលើសទម្ងន់កំណត់ ដែលជាហេតុធ្វើឲ្យខូចផ្លូវប្រើប្រាស់មិនបាយូរអង្វែង។ ជាលទ្ធផលមួយព្រឹកក្រុមការងារក្រសួង បានរកឃើញរថយន្តដែលដឹកលើសទម្ងន់កំណត់ចំនួន៣គ្រឿង យកទៅធ្វើការផាកពិន័យ ដោយភាគច្រើនជាប្រភេទរថយន្ត ដឹកខ្សាច់ ដឹកថ្ម និងដឹកជីកសិកម្ម៕