ភ្នំពេញ៖ នៅរសៀលថ្ងៃព្រហស្បតិ៍នេះ លោក ម៉ិច ដារ៉ា ត្រូវបានតុលាការសម្រេចដោះលែងឱ្យនៅក្រៅឃុំបណ្ដោះអាសន្នវិញហើយ បន្ទាប់ពីលោកត្រូវបានសាលាដំបូងរាជធានីភ្នំពេញ សម្រេចឃុំខ្លួនបណ្ដោះអាសន្នជុំវិញករណីបទចោទ  «ញុះញង់បង្កឱ្យមានភាពវឹកវរធ្ងន់ធ្ងរដល់សន្តិសុខសង្គម»៕

គួរបញ្ជាក់ថា លោក ម៉ិច ដារ៉ា ត្រូវបានសមត្ថកិច្ចឃាត់ខ្លួន កាលពីថ្ងៃទី៣០ ខែកញ្ញា ឆ្នាំ២០២៤ បន្ទាប់ពីបានបង្ហោះព័ត៌មានមិនពិត អំពីការអភិវឌ្ឍនៅរមណីដ្ឋានបាភ្នំ នៅខេត្តព្រៃវែង។

កាលពីថ្ងៃទី២៣ ខែតុលា ឆ្នាំ២០២៤ នេះ លោក ម៉ិច ដារ៉ា បានចេញវីដេអូមួយ សូមអភ័យទោសជូនចំពោះ សម្តេចតេជោ ហ៊ុន សែន ប្រធានព្រឹទ្ធសភា និងសម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា ចំពោះកំហុសឆ្គងកន្លងមកពាក់ព័ន្ធនឹងការបង្ហោះព័ត៌មានក្លែងក្លាយ នៅតាមបណ្តាញសង្គម៕