ភ្នំពេញ: នគរបាលរាជធានីភ្នំពេញបានចាប់ខ្លួនសន្តិសុខម្នាក់ពាក់ព័ន្ធនឹងឃាតកម្មលើក្មេងប្រុសអាយុ ១២ឆ្នាំម្នាក់កាលពីថ្ងៃព្រហស្បតិ៍នេះ។ ជនរងគ្រោះត្រូវបានគេរកឃើញនៅក្នុងផ្ទះនៅខណ្ឌពោធិ៍សែនជ័យ។
នៅល្ងាចថ្ងៃព្រហស្បតិ៍នេះខណៈពេលដែលប៉ូលីសនិងអង្គភាពការពារកុមារបានទៅស៊ើបអង្កេតលើសាកសពជនរងគ្រោះដែលស្ថិតនៅភូមិត្រពាំងក្រសាំង សង្កាត់ចោមចៅ ខណ្ឌពោធិ៍សែនជ័យ។ សាកសពរបស់ជនរងគ្រោះមានឈ្មោះ គៀន ដារ៉ា ត្រូវបានគេចងនៅក្នុងបាវ។ ជនរងគ្រោះត្រូវបានទុកឲ្យនៅតែម្នាក់ឯងនៅក្នុងបន្ទប់ជួលខណៈពេលម្តាយរបស់គាត់ទៅធ្វើការនៅរោងចក្រកាត់ដេរក្បែរនោះ។
យោងតាមការស៊ើបអង្កេតរបស់មន្រ្តីប៉ូលីស ជនជាប់ចោទបានលួចទូរស័ព្ទដៃ ខ្សែក ព្រមជាមួយលុយមួយចំនួនមុនពេលសម្លាប់ជនរងគ្រោះ។ មន្រ្តីនគរបាលព្រហ្មទណ្ឌខណ្ឌពោធិ៍សែនជ័យ លោកអនុសេនីយ៍ឯក លី សម្បត្តិ មានប្រសាសន៍ថា ការវាយតប់គ្នារវាងជនរងគ្រោះនិងជនជាប់ចោទបានកើតឡើងនៅម៉ោងប្រហែល ៤ រសៀល។ សាកសពរបស់ជនរងគ្រោះត្រូវបានរកឃើញនៅម៉ោងប្រហែល ៦ៈ៣០នាទី៕
