លោករដ្ឋមន្ត្រី ឌិត ទីណា ទទួលជួបសម្តែងការគួរសមជាមួយលោកស្រី Anna Wellenstein នាយកប្រចាំតំបន់សម្រាប់ការអនុវត្តសាកលនៃការអភិវឌ្ឍន៍ប្រកបដោយចីរភាព​ អាសុីបូព៌ា​ និងអាសុីប៉ាសុីហ្វិក​ នៃធនាគារពិភពលោក (WB) | វត្ថុបុរាណខ្មែរចំនួន១៤វត្ថុ បានប្រគល់មកដល់សារមន្ទីរជាតិកម្ពុជាហើយ នារសៀលនេះ | សម្ដេចតេជោចូលរួមរំលែកទុក្ខចំពោះមរណភាពនៃអ្នកមានគុណម្នាក់លើកិច្ចព្រមព្រៀងសន្ដិភាពកម្ពុជា | នាយករដ្ឋមន្ត្រី ទទួលជួបអគ្គលេខាធិកាអង្គការសហប្រជាជាតិទទួលបន្ទុករក្សាសន្តិភាព Jean-Pierre Lacroix នៅវិមានសន្តិភាព |

នាយករដ្ឋមន្រ្តីអង់គ្លេសប្រកាសបង្កើនកញ្ចប់ថវិកាសម្រាប់វិស័យការពារជាតិ និងបន្ថែមជំនួយទៅកាន់អ៊ុយក្រែន

អង់គ្លេស៖ នាយករដ្ឋមន្រ្តីអង់គ្លេស លោក Rishi Sunak នៅថ្ងៃអង្គារ ទី២៣ ខែមេសាបានប្រកាសពីការផ្តល់មូលនិធិបន្ថែមទៅកាន់អ៊ុយក្រែន និងបានសន្យាថានឹងបង្កើនកញ្ចប់ថវិកាសម្រាប់វិស័យការពារជាតិរបស់ចក្រភពអង់គ្លេសផងដែរ។ ការថ្លែងបែបនេះបានធ្វើឡើង ក្នុងអំឡុងពេលដែលលោកបានធ្វើដំណើរបំពេញទស្សនកិច្ចទៅកាន់រដ្ឋធានី Warsaw ប្រទេសប៉ូឡូញ។

លោក Sunak បានថ្លែងថា ចក្រភពអង់គ្លេសនឹងផ្តល់កញ្ចប់ថវិកាចំនួន ៥០០លានផោន (ប្រមាណជា ៦២២លានដុល្លារអាមេរិក)  ក្នុងការផ្តល់មូលនិធិយោធាបន្ថែមទៅកាន់រដ្ឋធានី Kyiv អំឡុងកិច្ចពិភាក្សាការងាររបស់លោក ជាមួយនាយករដ្ឋមន្រ្តីប៉ូឡូញ លោក Donald Tusk រួមជាមួយអគ្គលេខាធិការអង្គការណាតូ លោក Jens Stoltenberg ។ មិនត្រឹមតែប៉ុណ្ណោះ លោក Sunak បញ្ជាក់់ថា ចក្រភពអង់គ្លេសក៏នឹងប​ង្កើនការចំណាយលើវិស័យការពារជាតិជាដំណាក់កាលបន្តបន្ទាប់រហូតដល់ ២,៥ភាគរយនៃ GDP សរុបនាឆ្នាំ២០៣០។​

រដ្ឋាភិបាលអង់គ្លេសបញ្ជាក់ថា ការកើនឡើងនៃចំណាយលើពី ២,៣ភាគរយនៃ GDP សរុបនឹងធ្វើឱ្យចក្រភពអង់គ្លេសក្លាយជាប្រទេសកំពូលមួយដែលចំណាយលើវិស័យការពារជាតិច្រើនជាងគេបន្ទាប់ពីសហរដ្ឋអាមេរិក ក្នុងចំណោមប្រទេសទាំង ៣២ ដែលជាសមាជិកនៃអង្គការណាតូ។ បណ្ដាប្រទេសជាសមាជិកណាតូក៏កំពុងប្រឈមមុខនឹងសម្ពាធក្នុងការបង្កើនការចំណាយលើវិស័យការពារជាតិផងដែរ ជាពិសេសក្នុងកាលៈទេសៈដែលពិភពលោកកំពុងស្ថិតក្នុងការគំរាមកំហែង តួយ៉ាងដូចជាបញ្ហាសង្គ្រាមរុស្សី-អ៊ុយក្រែន, សង្គ្រាមអ៊ីស្រាអែល-ហាម៉ាស ព្រមទាំងការប៉ះទង្គិចគ្នាជាហូរហែរនៅក្នុងតំបន់មជ្ឈិមបូព៌ា។ 

លោក Sunak ថ្លែងថា៖ "ខ្ញុំជឿជាក់ថាយើងត្រូវតែធ្វើអ្វីម្យ៉ាងដើម្បីការពារប្រទេស ព្រមជាមួយផលប្រយោជន៍ និងគុណតម្លៃរបស់យើង"។ លោកបានបញ្ជាក់បន្ថែមផងដែរថា ការបង្កើនកញ្ចប់ថវិកាសម្រាប់វិស័យការពារជាតិរបស់់អង់គ្លេសនាពេលនេះ នឹងក្លាយជាការពង្រឹងវិស័យការពារជាតិដ៏ធំបំផុតក្នុងយុគសម័យបច្ចុប្បន្ន។ ការប្រកាសរបស់នាយករដ្ឋមន្រ្តីរូបនេះមានន័យថា ចក្រភពអង់គ្លេសនឹងចំណាយថវិកា ៨៧ពាន់លានផោនលើវិស័យការពារជាតិនៅឆ្នាំ២០៣០-២០៣១ ដែលកើនឡើងជា ២៣ពាន់លានផោនបើធៀបនឹងការចំណាយនាពេលបច្ចុប្បន្ន៕




ព័ត៌មានជាច្រើនទៀតសម្រាប់អ្នក