ជប៉ុន: ខេត្តក្រុងចំនួន២១ ត្រូវបានរដ្ឋាភិបាលជប៉ុនសម្រេចដាក់ក្នុងភាពអាសន្ន ដែលរួមមានដូចជាខេត្ត Hokkaido, Miyagi, Gilu, Aichi, Mie, Shiga, Okayarna, Hiroshima, Kanagawa, Saitama, Chiba, Osaka, Okinawa, Ibaraki, Tochigi, Gunma, Shizuoka, Kyoto, Hyogo, Fukuoka និងទីក្រុងតូក្យូ រហូតដល់ថ្ងៃទី១២ ខែកញ្ញា ឆ្នាំ២០២១ ដោយសារចំនួនអ្នកឆ្លងជំងឺកូវីដ-១៩ ពិសេស មេរោគបំប្លែងថ្មី Delta មានការកើនឡើងខ្ពស់ហើយតម្រូវការសេវាកម្មសុខាភិបាល ពិសេសតម្រូវការស្នាក់នៅមន្ទីរពេទ្យក៏កើនឡើងខ្ពស់។

ស្ថានទូតបានអំពាវនាវដល់ប្រជាពលរដ្ឋខ្មែរទាំងអស់ដែលកំពុងស្នាក់នៅប្រទេសជប៉ុន ជាពិសេសបងប្អូនដែលកំពុងស្នាក់នៅទីក្រុងតូក្យូ និងខេត្តទាំង២០ខាងលើ សហការ និងប្រតិបត្តិវិធានការទប់ស្កាត់ការឆ្លងជំងឺកូវីដ-១៩ បង្កើនស្មារតីប្រុងប្រយ័ត្នខ្ពស់ជានិច្ច និងធ្វើដំណើរក្នុងករណីដែលចាំបាច់បំផុត៕