Aa |   aA
ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | ឃាត់ខ្លួនជនបរទេសជិត១០នាក់ ពាក់ព័ន្ធករណីកាន់កាប់អាវុធខុសច្បាប់ នៅខេត្តព្រះសីហនុ | BREAKING: ផ្អើលករណីពុលសាំងវិច ពីហាងសំពៅមាស មន្ត្រីសាលាក្រុងព្រះសីហនុ ជិត៥០នាក់កំពុងព្យាបាល | សម្តេច​តេ​ជោ ហ៊ុន សែន រំលឹកពី​អាហារ​​មួយពេល​ជា​ប្រវត្តិសាស្ត្រ​ជាមួយ​មេដឹកនាំ​ខ្មែរក្រហម​ | Update៖ ធ្លាក់យន្តហោះនៅកូរ៉េខាងត្បូង ឆក់ជីវិតអ្នកដំណើរស្ទើរតែទាំងអស់នៅលើយន្តហោះ | សម្តេចនាយករដ្ឋមន្ត្រី ហ៊ុន ម៉ាណែត ប្រារព្ធទិវាសន្តិភាពនៅកម្ពុជា ជាមួយនឹងការប្រកួតបាល់ទាត់មិត្តភាព | ប្រធានាធិបតីសហរដ្ឋអាមេរិកទី៣៩ លោក ជីមមី ខាតធ័រ ទទួលមរណភាពនៅអាយុ ១០០ឆ្នាំ |

Arsenal ស្គាល់ឈ្នះលើកដំបូងក្នុងរដូវកាល ២០២១/២២

  • ចុះផ្សាយថ្ងៃទី២៦ ខែសីហា ឆ្នាំ២០២១ ម៉ោង ១១:៣១ នាទី ដោយ Mesa
  • 437
  Aa |   aA

អង់គ្លេស៖ ទីបំផុតក្រុមកាំភ្លើងធំ Arsenal បានស្គាល់នូវជ័យជម្នះលើកដំបូងក្នុងរដូវកាល ២០២១/២០២២ នេះ ក្រោយបំបាក់ក្រុមនៅលីគទី២ West Brom យ៉ាងចាស់ដៃ ៦-០ ក្នុងការប្រកួតពានលំដាប់ទី៣ EFL Carabao Cup កាលពីយប់មិញ។

ក្រៅតែពីជាជ័យជម្នះលើកដំបូង នេះក៏ជាការប្រកួតដែល Arsenal រកបានគ្រាប់បាល់ដំបូងក្នុងរដូវកាលនេះផងដែរ បន្ទាប់ពីឆ្លងកាត់ ២ប្រកួតកន្លងទៅនៅក្នុងក្របខណ្ឌ Premier League ត្រូវបានគូប្រកួតស៊ុតចូល ៤គ្រាប់ និងពុំទាន់ស៊ុតចូលវិញមួយគ្រាប់នៅឡើយ។

៦ គ្រាប់របស់ Arsenal យប់មិញនេះ រកបានដោយ Pierre-Emerick Aubameyang ៣គ្រាប់ម្នាក់ឯងនៅនាទីទី១៦,​ ៤៤ និង ៦១ ខណៈ ៣គ្រាប់ផ្សេងទៀតធ្វើបានដោយកីឡាករ Alexandre Lacazette, Nicolas Pepe និង Bukayo Saka។ 

លទ្ធផលជ័យជម្នះធំៗផ្សេងទៀតកាលពីយប់មិញនៃពានរង្វាន់ EFL Carabao Cup រួមមាន Barrow ០-៦ Aston Villa, Norwich ៦-០ AFC Bournemouth និង Newport County ០-៨ Southampton ជាដើម។

លទ្ធផលសំខាន់ៗនៃការចាប់ឆ្នោតជុំទី៣ នៃពាន EFL Cup រួមមាន Manchester United ជួប West Ham, Norwich City ជួប Liverpool, Chelsea ជួប Aston Villa, Man City ជួបក្រុមលីគទី៣ Wycombe Wanderer , Arsenal ជួប Wimbledon និង Wolve ជួប Tottenham Hotspurs ជាដើម ដោយការប្រកួតជុំទី៣ នឹងបន្តការប្រកួតចាប់ពីថ្ងៃទី២២ ខែកញ្ញាខាងមុខនេះ៕





ព័ត៌មានជាច្រើនទៀតសម្រាប់អ្នក