សៀមរាប៖ ស្នងការដ្ឋាននគរបាលខេត្តសៀមរាប នាថ្ងៃទី២២ ខែមីនា ឆ្នាំ២០២៤ បានឃាត់ខ្លួនជនសង្ស័យ២នាក់ប្តីប្រពន្ធដែលបានវាយសម្លាប់កូនបង្កើតអាយុ២២ខែបណ្តាលឱ្យស្លាប់។

តាមប្រភពពីស្នងការដ្ឋាននគរបាលខេត្តសៀមរាប ជនសង្ស័យបានធ្បើសកម្មភាពវាយសម្លាប់កូននៅក្នុងភូមិដំបូកខ្ពស់ ឃុំតាសៀម ស្រុកស្វាយលើ ខេត្តសៀមរាប។

ជនសង្ស័យឈ្មោះ ហាក់ ហៃ ភេទស្រី អាយុ ២៨ឆ្នាំ មុខរបរ កសិករ និងប្តីឈ្មោះ យិន សុខលីន ភេទប្រុស អាយុ ៣០ឆ្នាំ មុខរបរ កម្មករ (ម្តាយបង្កើត និងឪពុកចុង)។

ជនសង្ស័យបានសារភាពនៅចំពោះមុខសមត្ថកិច្ចថាខ្លួនពិតជាបានធ្វើសកម្មភាពវាយធ្វើបាបកូនរហូតដល់ស្លាប់ពិតប្រាកដមែន។

ជនសង្ស័យទាំងពីរនាក់ប្តីប្រពន្ធត្រូវបានកម្លាំងការិយាល័យជំនាញកសាងសំណុំរឿងបញ្ជូនទៅសាលាដំបូងខេត្តសៀមរាប៕