ភ្នំពេញ៖ ប្រធានក្រុមឧត្តមប្រឹក្សាផ្ទាល់ព្រះមហាក្សត្រ សម្តេចតេជោ ហ៊ុន សែន បានលើកឡើងថា ពិធីស្រាយបួសដែលតែងតែរៀបចំឡើងជារៀងរាល់ឆ្នាំគឺបញ្ជាក់អំពីការផ្ដល់សិទ្ធិសេរីភាពពេញលេញដល់ប្រជាជនមូស្លីម ដោយគ្មានការរឹតត្បិតណាមួយឡើយ។

សម្តេចតេជោមានប្រសាសន៍នៅក្នុងជំនួបជាមួយអនុប្រធាន CAPDI លោក Agung Laksonoនានៅព្រឹកថ្ងៃព្រហស្បតិ៍ ទី២១ ខែមីនា ឆ្នាំ២០២៤ នៅវិមាន៧មករា។

លោក Agung Laksonoបានថ្លែងអរគុណដល់សម្តេចតេជោដែលតែងតែយកចិត្តទុកដាក់ដល់ប្រជាជនមូស្លីមនៅកម្ពុជា  តាំងតែពីពេលដែល សម្ដេចតេជោ នៅជានាយករដ្ឋមន្ត្រីរហូតដល់បច្ចុប្បន្ន។

ជាមួយគ្នានេះលោកកត់សម្គាល់ថា កម្ពុជាគឺតែងតែប្រារព្ធពិធីស្រាយបួសជារៀងរាល់ឆ្នាំក្រោមអធិបតីភាពរបស់នាយករដ្ឋមន្ត្រីរហូតដល់បច្ចុប្បន្ន ដែលនេះគឺបានបង្ហាញឲ្យច្បាស់ថាកម្ពុជាគឺគ្មានការរើសអើងសាសនាកម្ពុជាប្រជាធិបតេយ្យ។

ក្នុងឱកាសនេះដែរ សម្ដេចតេជោបានបញ្ជាក់ថាកម្ពុជាតែងតែរៀបចំពិធីស្រាយបួសជារៀងរាល់ឆ្នាំ ដែលបានបញ្ជាក់អំពីការផ្ដល់សិទ្ធិសេរីភាពពេញលេញដល់ប្រជាជនមូស្លីម ដោយគ្មានការរឹតត្បិតណាមួយឡើយ ហើយការរៀបចំនេះតែងធ្វើឡើងក្រោមអធិបតីភាពរបស់នាយករដ្ឋមន្ត្រីរហូតដល់បច្ចុប្បន្ន៕