រាជធានីភ្នំពេញ ថ្ងៃទី១១ ខែមីនា ឆ្នាំ២០២៤៖ អគ្គស្នងការនគរបាលជាតិបានអនុវត្តប្រតិបត្តិការដ៏សំខាន់មួយកាលពីសប្តាហ៍មុនដែលឈានដល់ការឃាត់ខ្លួនមនុស្សយ៉ាងហោចណាស់ចំនួន ៣៥៣នាក់ ដែលត្រូវបានសង្ស័យថាជាប់ពាក់ព័ន្ធក្នុងសកម្មភាពពគ្រឿងញៀនចាប់ពីថ្ងៃទី០៤ ដល់ថ្ងៃទី១០ ខែមីនា ឆ្នាំ២០២៤។

លោក លោក ទូច សុឃៈ អ្នកនាំពាក្យរងក្រសួងមហាផ្ទៃបានបង្ហើបថា ខណៈចំនួនជនសង្ស័យកើនឡើង ៣៤នាក់ គឺមានការថយចុះនៃករណីគ្រឿងញៀនសរុបបើធៀបនឹងចំនួនសរុបកាលពីសប្តាហ៍មុន។

ក្នុងការបូកសរុបករណីគ្រឿងញៀនមានចំនួន១៦១ករណី ក្នុងសប្តាហ៍មុនខណៈសប្តាហ៍នេះមានចំនួនត្រឹមតែ១៣៦ករណីដោយតែក្នុងរាជធានីភ្នំពេញមាន៣០ករណី ដែលមានជនសង្ស័យ៥០នាក់។

គូសបញ្ជាក់អំពីភាពធ្ងន់ធ្ងរនៃស្ថានការណ៍នេះ លោក ទូច សុឃៈ បានរៀបរាប់លម្អិតពីករណីធំៗចំនួន៣ ដែលរាជធានីភ្នំពេញមាន១ករណី និងខេត្តស្វាយរៀងមាន២ករណីជាប់ពាក់ព័ន្ធការជួញដូរគ្រឿងញៀនទ្រង់ទ្រាយធំ ដែលបណ្តាលឲ្យរឹបអូសបានថ្នាំញៀនជាង២គីឡូក្រាម រួមនឹងអាវុធ៣ដើម រយន្តមួយគ្រឿង និងម៉ូតូ៨គ្រឿង។

អំពើហឹង្សានៃគ្រឿងញៀន មិនត្រឹមតែនៅក្នុងប្រទេសកម្ពុជាប៉ុណ្ណោះទេ ប៉ុន្តែនៅទូទាំងពិភពលោកត្រូវបានគេទទួលស្គាល់ថាជាកត្តាជំរុញដល់ឧក្រិដ្ឋកម្មផ្សេងៗរួមទាំងអំពើចោរកម្ម អំពើហឹង្សា និងសូម្បីតែបទល្មើសអន្តរជាតិ។ អាស្រ័យហេតុនេះរាជរដ្ឋាភិបាលកម្ពុជានិងសហគមន៍អន្តរជាតិបានផ្តល់អាទិភាពដល់កិច្ចខិតខំប្រឹងប្រែងរួមគ្នាដើម្បីប្រយុទ្ធប្រឆាំងនឹងការគំរាមកំហែងនេះ។

ក្រោមការជួយជ្រោមជ្រែងពីអាជ្ញាធរជាតិប្រយុទ្ធប្រឆាំងគ្រឿងញៀន និងដោយមានការគាំទ្រឥតឈប់ឈរពីកងកម្លាំងនគរបាលជាតិនៃក្រសួងមហាផ្ទៃ វិធានការគ្រប់ជ្រុងជ្រោយកំពុងត្រូវបានអនុវត្តដើម្បីទប់ស្កាត់បទល្មើសគ្រឿងញៀនគ្រប់កម្រិត ធានាសុវត្ថិភាព និងសន្តិសុខសហគមន៍ទូទាំងប្រទេស។

ចាប់តាំងពីការចាប់ផ្តើមនៃរដ្ឋសភាអាណត្តិទី៧មក រដ្ឋាភិបាលកម្ពុជាដឹកនាំដោយសម្តេចនាយករដ្ឋមន្ត្រី ហ៊ុន សែន និងឧបនាយករដ្ឋមន្ត្រី ស សុខា បានចាត់ទុកការលុបបំបាត់គ្រឿងញៀនជាអាទិភាពមួយក្នុងចំណោមអាទិភាពចម្បងរបស់ខ្លួន។ ការប្តេជ្ញាចិត្តនេះត្រូវបានគូសបញ្ជាក់ដោយវិធានការតឹងរ៉ឹង រួមទាំងបទបញ្ជាលេខ០០១ ស្តីពីការធ្វើតេស្តគ្រឿងញៀនសម្រាប់មន្ត្រីរាជការទាំងអស់ជាមួយនឹងលទ្ធផលរហូតមានការបណ្ដេញមន្រ្តីមួយចំនួនផងដែរសម្រាប់អ្នកដែលត្រូវបានរកឃើញថាមានពិរុទ្ធពីបទពាក់ព័ន្ធគ្រឿងញៀន។

នៅពេលដែលការបង្រ្កាបកាន់តែខ្លាំង ស្ថាប័នរដ្ឋត្រូវបានណែនាំយ៉ាងច្បាស់លាស់ឱ្យប្រកាន់ខ្ជាប់នូវគោលនយោបាយគ្មានការអត់ឱនចំពោះការប្រើប្រាស់គ្រឿងញៀន ជាមួយនឹងការពិន័យធ្ងន់ធ្ងររង់ចាំជនល្មើស៕