ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | សម្តេចតេជោ ហ៊ុន សែន ជំរុញ​កិច្ច​សហប្រតិបត្តិការ​អាស៊ាន​ឲ្យ​កាន់​តែ​ខ្លាំង​ចំ​ពេល​មាន​បញ្ហា​ប្រឈម​ជា​សាកល | កម្ពុជា និងឥណ្ឌូនេស៊ី មានគោលបំណងជំរុញកិច្ចសហប្រតិបត្តិការក្នុងវិស័យសំខាន់ៗ | កម្ពុជាហាមឃាតការនាំចូលសត្វពានៈ និងផលិតផលសាច់សត្វ​ពី​ប្រទេស​ថៃ​ជា​បណ្ដោះអាសន្ន ចំ​ពេល​មាន​ការ​ផ្ទុះ​ជំងឺ​ឈាមខ្មៅ ឬជំងឺអង់ត្រាក់លើសត្វពាហនៈ | កម្ពុជា​ចុះ​​ប្រហុកសៀមរាបជាម៉ាកសម្គាល់ភូមិសាស្ត្រទំនិញដើម្បីលើកកម្ពស់ផលិតផលធ្វើម្ហូបបែបប្រពៃណីខ្មែរ |
ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | សម្តេចតេជោ ហ៊ុន សែន ជំរុញ​កិច្ច​សហប្រតិបត្តិការ​អាស៊ាន​ឲ្យ​កាន់​តែ​ខ្លាំង​ចំ​ពេល​មាន​បញ្ហា​ប្រឈម​ជា​សាកល | កម្ពុជា និងឥណ្ឌូនេស៊ី មានគោលបំណងជំរុញកិច្ចសហប្រតិបត្តិការក្នុងវិស័យសំខាន់ៗ | កម្ពុជាហាមឃាតការនាំចូលសត្វពានៈ និងផលិតផលសាច់សត្វ​ពី​ប្រទេស​ថៃ​ជា​បណ្ដោះអាសន្ន ចំ​ពេល​មាន​ការ​ផ្ទុះ​ជំងឺ​ឈាមខ្មៅ ឬជំងឺអង់ត្រាក់លើសត្វពាហនៈ | កម្ពុជា​ចុះ​​ប្រហុកសៀមរាបជាម៉ាកសម្គាល់ភូមិសាស្ត្រទំនិញដើម្បីលើកកម្ពស់ផលិតផលធ្វើម្ហូបបែបប្រពៃណីខ្មែរ |

លោក Mitch McConnell មេដឹកនាំគណបក្សសាធារណរដ្ឋនៅក្នុងព្រឹទ្ធសភាអាមេរិកគ្រោងនឹងចុះចេញពីតំណែង

សហរដ្ឋអាមេរិក៖ លោក Mitch McConnell ជាមន្រ្តីនយោបាយដ៏មានឥទ្ធិពលរបស់សហរដ្ឋអាមេរិក និងជាអ្នកនយោបាយជើងចាស់ដែលមានជំហរអភិរក្សនិយម និងជាអ្នករក្សាមតិយ៉ាងរឹងមាំចំពោះការអនុម័តជំនួយទៅកាន់អ៊ុយក្រែន បានប្រកាសនៅថ្ងៃពុធ ទី២៩ ខែកុម្ភៈនេះថា លោកនឹងចាកចេញពីតំណែងជាមេដឹកនាំនៃគណបក្សសាធារណរដ្ឋនៅក្នុងព្រឹទ្ធសភានាចុងឆ្នាំនេះ។ 

ការថ្លែងបែបនេះនៅក្នុងសភារបស់លោកបានបង្កភាពភ្ញាក់ផ្អើលជាខ្លាំង ហើយសមាជិកសភានៃគណបក្សធំៗទាំងពីរបានអំពាវនាវឱ្យមានការរក្សាតំណែងរបស់លោកជាបន្ត បើទោះបីជាលោក McConnell មិនទាន់បានប្រកាសជាផ្លូវការនៅឡើយឬយ៉ាងណាជុំវិញការបោះបង់អាសនៈតំណាងរដ្ឋ Kentucky ដែលជាតំណែងរបស់លោកតាំងពីឆ្នាំ១៩៨៥មក។

លោក McConnell ដែលបច្ចុប្បន្នមានវ័យ ៨២ឆ្នាំបានថ្លែងថា៖ "ខ្ញុំឈរនៅចំពោះមុខអ្នកនៅថ្ងៃនេះ! លោកប្រធានាធិបតី និងសហការីទាំងអស់ ខ្ញុំចង់និយាយថានេះគឺជាអាណត្តិចុងក្រោយរបស់ខ្ញុំក្នុងនាមជាមេដឹកនាំនៃគណបក្សសាធារណរដ្ឋ"។ គួរបញ្ជាក់ថា លោក McConnell ថ្លែងបែបនេះជាសញ្ញាបញ្ជាក់យ៉ាងច្បាស់ថា លោកគ្រោងនឹងលាលែងចេញពីតំណែងជាមេដឹកនាំព្រឹទ្ធសភាដែលកាន់អំណាចយូរបំផុតក្នុងប្រវត្តិសាស្ត្រអាមេរិក។

លោក McConnell គឺជាមេដឹកនាំគណបក្សសាធារណរដ្ឋនៅក្នុងព្រឹទ្ធសភាចាប់តាំងពីឆ្នាំ២០១៥ និងជាមេដឹកនាំជួរមុខដែលជំទាស់នឹងគោលនយោបាយរបស់លោក Barack Obama អំឡុងការកាន់ពីឆ្នាំ២០០៩ ដល់ឆ្នាំ២០១៧។ លោក McConnell បានរួមចំណែកក្នុងការជួយលោក Donald Trump ឱ្យឡើងកាន់អំណាចកាលពីឆ្នាំ២០១៧ និងជាអ្នកដែលបានតស៊ូមតិយ៉ាងស្វិតស្វាញក្នុងការអនុម័តច្បាប់ពាក់ព័ន្ធនឹងការរំលូតកូន កាលពីឆ្នាំ២០២២ កន្លងទៅ៕




ព័ត៌មានជាច្រើនទៀតសម្រាប់អ្នក