បន្ទាយមានជ័យ៖ កម្លាំងនគរបាលប្រឆាំងបទល្មើសសេដ្ឋកិច្ច នាថ្ងៃទី២១ ខែកុម្ភៈ ឆ្នាំ២០២៤ បានចុះបង្ក្រាបទីតាំងមួយកន្លែងស្ថិតនៅភូមិប៉ោយប៉ែត សង្កាត់អូរជ្រៅ ក្រុងប៉ោយប៉ែត ខេត្តបន្ទាយមានជ័យសង្ស័យលួចលាក់នាំចូល ស្កុក-ចែកចាយផលិតផលទឹកដោះជូរម៉ាក Dutch Mill រំលោភលើកម្មសិទ្ធិនាំចូលផ្ដាច់មុខរបស់ក្រុមហ៊ុន យូ អិន ធី ហូលសេល ខូអិលធីឌី។
ប្រតិបត្តិនេះធ្វើឡើងក្រោយពីទទួលបានពាក្យបណ្ដឹងរបស់ក្រុមហ៊ុន យូ អិន ធី ហូលសេល ខូអិលធីឌី។ ក្រោយបង្រ្កាប សមត្ថកិច្ចបានប្រមូលទឹកដោះគោជូរចំនួន ១៥៤កេស យកទៅកម្ទេចចោលភ្លាមៗ ចំណែកអ្នកលួចនាំចូលនឹងត្រូវសមត្ថកិច្ចអនុវត្តតាមនីតិវិធីច្បាប់។
ការនាំចូលផលិតផលទឹកដោះគោដោយរំលោភកម្មសិទ្ធិបញ្ញានេះធ្វើឱ្យផលិតផលខូចគុណភាពដោយសារការដឹកជញ្ជូនគ្មានលក្ខណៈស្តង់ដារបច្ចេកទេសត្រឹមត្រូវ៕
ព័ត៌មានជាច្រើនទៀតសម្រាប់អ្នក
