ផ្លែឈើជាប្រភពអាហារដ៏សំខាន់សម្រាប់ស្ត្រីមានផ្ទៃពោះ ប៉ុន្តែមិនមែនសុទ្ធតែផ្លែឈើទាំងអស់ល្អសម្រាប់សុខភាពម្តាយ និងទារកក្នុងផ្ទៃនោះទេ។ ផ្លែឈើទាំង ៥ប្រភេទនេះ ស្ត្រីមានផ្ទៃពោះមិនគួរបរិភោគឡើយក្នុងនោះរួមមាន៖

១. ផ្លែល្ហុង

ការបរិភោគល្ហុងខ្ចី និងល្ហុងទុំ មិនល្អសម្រាប់ស្ត្រីមានផ្ទៃពោះនៅត្រីមាសទី១ ឬទី២ឡើយ ពីព្រោះវាអាចធ្វើឱ្យស្បូនកន្ត្រាក់ ដែលជាហេតុនាំឱ្យរលូតកូន។

២. ផ្លែម្នាស់

ផ្លែម្នាស់ ក៏ធ្វើឱ្យស្បូនកន្ត្រាក់ ធ្វើឱ្យរលូតកូនផងដែរ ពីព្រោះវាមានផ្ទុកអង់ស៊ីមសកម្មមួយឈ្មោះ Bromelian ដែលមានសមត្ថភាពបំបែកប្រូតេអ៊ីនក្នុងរាងកាយ។

៣.ផ្លែទំពាំងបាយជូរ

ផ្លែទំពាំងបាយជូរ មានផ្ទុកសារធាតុ Resveratrol ដែលជាសមាសធាតុគីមីពុល ដែលប៉ះពាល់ដល់ទារកក្នុងផ្ទៃ ប្រសិនម៉ាក់ៗបរិភោគក្នុងបរិមាណច្រើន។ ទំពាំងបាយជូរ ក៏បង្កើតកម្តៅនៅក្នុងរាយកាយ ដែលម៉ាក់ៗគួរជៀសវាងក្នុងអំឡុងពេលត្រីមាសចុងក្រោយ។

៤. ផ្លែអំពិល

ផ្លែអំពិល សម្បូរទៅដោយវីតាមីនC ដែលជាសារធាតុប្រឆាំងនឹងអុកស៊ីតកម្ម។ បើកាលណាញ៉ាំវីតាមីនC ច្រើនជ្រុល អាចធ្វើឱ្យរាងកាយយើងពុល ការរលូតកូន និងកូនកើតមិនគ្រប់ខែ។ ម៉ាក់ៗគួរជៀសវាងផ្លែឈើមួយប្រភេទនេះក្នុងបរិមាណច្រើនអំឡុងពេលត្រីមាសទី១។

៥. ផ្លែល្មើ

ផ្លែល្មើអាចបណ្តាលឱ្យឡើងកម្តៅនៅក្នុងរាងកាយដែលអាចបង្កផលប៉ះពាល់ដល់ការពពោះ និងកន្ត្រាក់ស្បូន។ ម៉ាក់ៗគួរជៀសវាងញ៉ាំផ្លែល្មើអំឡុងត្រីមាសទី១ និងត្រីមាសទី២៕