ភ្នំពេញ: រដ្ឋាភិបាលចិនបានប្រកាសផ្តល់វ៉ាក់សាំង Sinopharm ចំនួន ៥០ ម៉ឺនដូសនៅថ្ងៃចន្ទនេះ។ នេះគឺជាការបរិច្ចាគបន្ថែមរបស់ប្រទេសចិនដល់ប្រទេសកម្ពុជាដើម្បីជាមធ្យោបាយជួយដល់ព្រះរាជាណាចក្រកម្ពុជា ក្នុងការប្រយុទ្ធប្រឆាំងនឹងជំងឺកូវីត-១៩ រដ្ឋមន្ត្រីក្រសួងការពារជាតិលោក ទៀ បាញ់ នឹងទៅទទួលវ៉ាក់សាំងដែលប្រគល់ដោយឯកអគ្គរដ្ឋទូតចិន វ៉ាង វិន ធាន។

វ៉ាក់សាំង Sinopharm ស៊េរីថ្មីនឹងមកដល់ព្រលានយន្តហោះអន្តរជាតិភ្នំពេញ រាជរដ្ឋាភិបាលបានជូនដំណឹងថាប្រជាពលរដ្ឋដែលនឹងចូលរួមពិធីប្រគល់នៅព្រលានយន្តហោះនឹងត្រូវឆ្លងកាត់ការធ្វើតេស្តរកមេរោគកូវីដ-១៩ តាមរយៈតេស្តរហ័សដើម្បីការពារការរីករាលដាលនៃមេរោគកូវីត-១៩។

គិតត្រឹមថ្ងៃទី២០ ខែសីហា ប្រទេសកម្ពុជាបានទទួលវ៉ាក់សាំងការពារជំងឺកូវីដ-១៩ ដែលបរិច្ចាគដោយ “ប្រទេសជាមិត្ត” រួមទាំងអស់ចំនួន៣.២ លានដូសពីប្រទេសចិន ១ លានដូសពីជប៉ុន ជាង ១ លានដូសពីសហរដ្ឋអាមេរិកនិង ៤១៥.០០០ ដូសពីចក្រភពអង់គ្លេស។