ភ្នំពេញ៖ អគ្គស្នងការរង និងជាស្នងការនគរបាលរាជធានីភ្នំពេញ ឧត្តមសេនីយ៍ឯក ជួន ណារិន្ទ បានបញ្ជាឱ្យសមត្ថកិច្ចស្រាវជ្រាវជាបន្ទាន់ជុំវិញករណីចោទថាសមត្ថកិច្ចរដ្ឋបាលស្ទឹងមានជ័យ៣ បានឃាត់ម៉ូតូ និងគាបយកលុយតាមដងផ្លូវទៅលើយុវជន ៥នាក់នៅខាងមុខការាស់សាំងតេលា ផ្លូវវេងស្រេង កាលពីយប់អធ្រាត្រថ្ងៃទី២៥ ខែមករា ឆ្នាំ២០២៤។
យុវជនទាំង ៥នាក់នោះ ត្រូវបានសមត្ថកិច្ចកោះហៅមកសួរនាំបំភ្លឺ ដោយប្រាប់ថាពួកគេមិនច្បាស់ថាជាសមត្ថកិច្ចប៉ុស្តិ៍នគរបាលរដ្ឋបាលស្ទឹងមានជ័យទី៣នោះទេ។ ក្រោយសាកសួរ ឧត្តមសេនីយ៍ឯក ជួន ណារិន្ទ បានបញ្ជាកម្លាំងការិយាល័យជំនាញសហការជាមួយកម្លាំងអធិការដ្ឋាននគរបាលខណ្ឌមានជ័យ ចុះស្រាវជ្រាវជាបន្ទាន់រកមុខសញ្ញា ដើម្បីអនុវត្តវិធានការណ៍ច្បាប់៕
