ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | សម្តេចតេជោ ហ៊ុន សែន ជំរុញ​កិច្ច​សហប្រតិបត្តិការ​អាស៊ាន​ឲ្យ​កាន់​តែ​ខ្លាំង​ចំ​ពេល​មាន​បញ្ហា​ប្រឈម​ជា​សាកល | កម្ពុជា និងឥណ្ឌូនេស៊ី មានគោលបំណងជំរុញកិច្ចសហប្រតិបត្តិការក្នុងវិស័យសំខាន់ៗ | កម្ពុជាហាមឃាតការនាំចូលសត្វពានៈ និងផលិតផលសាច់សត្វ​ពី​ប្រទេស​ថៃ​ជា​បណ្ដោះអាសន្ន ចំ​ពេល​មាន​ការ​ផ្ទុះ​ជំងឺ​ឈាមខ្មៅ ឬជំងឺអង់ត្រាក់លើសត្វពាហនៈ | កម្ពុជា​ចុះ​​ប្រហុកសៀមរាបជាម៉ាកសម្គាល់ភូមិសាស្ត្រទំនិញដើម្បីលើកកម្ពស់ផលិតផលធ្វើម្ហូបបែបប្រពៃណីខ្មែរ |
ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | សម្តេចតេជោ ហ៊ុន សែន ជំរុញ​កិច្ច​សហប្រតិបត្តិការ​អាស៊ាន​ឲ្យ​កាន់​តែ​ខ្លាំង​ចំ​ពេល​មាន​បញ្ហា​ប្រឈម​ជា​សាកល | កម្ពុជា និងឥណ្ឌូនេស៊ី មានគោលបំណងជំរុញកិច្ចសហប្រតិបត្តិការក្នុងវិស័យសំខាន់ៗ | កម្ពុជាហាមឃាតការនាំចូលសត្វពានៈ និងផលិតផលសាច់សត្វ​ពី​ប្រទេស​ថៃ​ជា​បណ្ដោះអាសន្ន ចំ​ពេល​មាន​ការ​ផ្ទុះ​ជំងឺ​ឈាមខ្មៅ ឬជំងឺអង់ត្រាក់លើសត្វពាហនៈ | កម្ពុជា​ចុះ​​ប្រហុកសៀមរាបជាម៉ាកសម្គាល់ភូមិសាស្ត្រទំនិញដើម្បីលើកកម្ពស់ផលិតផលធ្វើម្ហូបបែបប្រពៃណីខ្មែរ |

តុលាការកំពូលអាមេរិក នឹងសម្រេចចុងក្រោយលើការដកសិទ្ធិលោក Trump ពីការឈរឈ្មោះបេក្ខជនប្រធានាធិបតី

  • ចុះផ្សាយថ្ងៃទី០៦ ខែមករា ឆ្នាំ២០២៤ ម៉ោង ១៣:២៧ នាទី ដោយ Mesa
  • 1745
  Aa |   aA

សហរដ្ឋអាមេរិក៖ តុលាការកំពូលរបស់សហរដ្ឋអាមេរិកបានយល់ព្រមទទួល និងដំណើរការលើបណ្ដឹងឧទ្ធរណ៍របស់លោក ដូណាល់ ត្រាំ (Donald Trump) ជុំវិញការតវ៉ាលើការសម្រេចរបស់តុលាការដែលរារាំងអតីតប្រធានាធិបតីពីការបោះឆ្នោតបឋមរបស់គណបក្សសាធារណរដ្ឋ ដោយព្រមទទួលយកការពិចារណាអំពីករណីនៃផ្ទុះឡើងផ្នែកនយោបាយ ជាមួយនឹងផលប៉ះពាល់ដ៏ធំសម្រាប់ការបោះឆ្នោតប្រធានាធិបតីឆ្នាំ២០២៤នេះ។

គួរឱ្យដឹងថា បញ្ហានៃបណ្តឹងនេះគឺកើតមានក្រោយការសម្រេចរបស់តុលាការជាន់ខ្ពស់នៃរដ្ឋកូឡូរ៉ាដូ (Colorado) កាលពីថ្ងៃទី១៩ ខែធ្នូ ដែលបានសម្រេចដកសិទ្ធិលោក Trump ពីការបោះឆ្នោតបឋមរបស់គណបក្សសាធារណរដ្ឋ ដោយផ្អែកលើខ្លឹមសារច្បាប់ដែលមានចែងនៅក្នុងវិសោធនកម្មលើកទី១៤ របស់រដ្ឋធម្មនុញ្ញសហរដ្ឋអាមេរិក ដែលការសម្រេចនេះផ្អែកលើកំហុសរបស់លោកសម្រាប់ការចូលរួមក្នុងការបះបោរដែលពាក់ព័ន្ធនឹងការវាយប្រហារដោយអ្នកគាំទ្ររបស់លោកទៅលើវិមានកាពីតូល សហរដ្ឋអាមេរិក កាលពីថ្ងៃទី៦ ខែមករា ឆ្នាំ២២០២១ កន្លងទៅ។ អ្វីដែលគួរឱ្យចាប់អារម្មណ៍ខ្លាំងគឺតុលាការបានដំណើរការរឿងក្ដីរបស់លោក ត្រាំ ព្រមទាំងការសម្រេចហាក់លឿនជាងដំណើរការរឿងក្តីធម្មតា។ 

គួរឱ្យដឹងថា លោក ត្រាំ គឺជាបេក្ខភាពឈានមុខគេនៃគណបក្សសាធារណរដ្ឋ ក្នុងការប្រជែងតំណែងប្រធានាធិបតីជាមួយលោក ចូ បៃដិន នៃគណបក្សប្រជាធិបតេយ្យ សម្រាប់ការបោះឆ្នោតប្រធានាធិបតីឆ្នាំ២០២៤នេះ បានសម្រេចចិត្តដាក់ពាក្យប្តឹងជំទាស់ទៅនឹងសេចក្តីសម្រេចរបស់តុលាការរដ្ឋកូឡូរ៉ាដូកាលពីថ្ងៃពុធ។ មន្រ្តីតុលាការបញ្ជាក់ថា តុលាការនឹងមានចំណាត់ការយ៉ាងឆាប់រហ័សលើករណីនេះ ដោយនឹងកំណត់ពេលនៃសវនាការផ្ទាល់មាត់នៅថ្ងៃទី០៨ ខែកុម្ភៈ ខណៈកាលបរិច្ឆេទនៃការបោះឆ្នោតបឋមរបស់រដ្ឋកូឡូរ៉ាដូ គ្រោងធ្វើឡើងនៅថ្ងៃទី០៥ ខែមីនាខាងមុខ។ 

អ្នកនាំពាក្យរបស់លោក Trump គឺលោក Steven Cheung បានសរសើរការសម្រេចចិត្តរបស់តុលាការក្នុងការចាត់ការលើករណីនេះ ដោយនិយាយថាកិច្ចខិតខំរបស់តុលាការកំពូលគឺជាការស្វែងរកយុត្តិធម៌សម្រាប់លោក Trump ក្រោយពេលដែលលោកត្រូវបានពួកឆ្វេងនិយម និងសកម្មជននយោបាយនរកមួយចំនួនព្យាយាមបញ្ឈប់សិទ្ធិសម្រាប់ការឈរឈ្មោះបោះឆ្នោតឡើងវិញដោយស្របច្បាប់របស់ប្រធានាធិបតី Trump នៅខែវិច្ឆិកានេះ។ ដោយឡែក អគ្គលេខាធិការនៃរដ្ឋ Colorado លោកស្រី Jena Griswold និយាយថា ប្រជាពលរដ្ឋនៃរដ្ឋ (Colorado) របស់នាង និងពលរដ្ឋអាមេរិកទាំងមូល នឹងអាចដឹងច្បាស់បានថា តើបុគ្គលដែលចូលរួមក្នុងការបះបោរអាចឈរឈ្មោះសម្រាប់តំណែងខ្ពស់បំផុតនៃប្រទេសនេះបានឬយ៉ាងណា?​ 

សមាជិក និងអ្នកគាំទ្រនៃគណបក្សសាធារណរដ្ឋជាច្រើន បាន​ចាត់​ទុក​ការ​ដក​សិទ្ធិ​នេះ​ថា​ជា​ការ​ជ្រៀតជ្រែក​ក្នុង​ការ​បោះឆ្នោត។ កន្លងមក លោក Trump ក៏ប្រឈមមុខនឹងការចោទប្រកាន់ពីបទល្មើសព្រហ្មទណ្ឌចំនួន ២ករណីរួចហើយ ទាក់ទងនឹងកិច្ចខិតខំប្រឹងប្រែងរបស់គាត់ដើម្បីផ្តួលរំលំលទ្ធផលបោះឆ្នោតឆ្នាំ ២០២០ ដែលលោកចាញ់ទល់នឹងប្រធានាធិបតីបច្ចុប្បន្នគឺលោក Joe Biden៕



ព័ត៌មានជាច្រើនទៀតសម្រាប់អ្នក