ភ្នំពេញ៖ ជនសង្ស័យដែលបើករថយន្ត Hammer បុកស្លាប់ប្រពន្ធនិងកូនប្រុស និងរបួសឪពុក នៅខណ្ឌដូនពេញ ពេលនេះបានចូលសារភាព និងទទួលស្គាល់កំហុសរបស់ខ្លួននៅស្នងការដ្ឋាននគរបាលរាជធានីភ្នំពេញ នាថ្ងៃទី២៩ ខែធ្នូ ឆ្នាំ២០២៣ ដើម្បីទទួលខុសត្រូវចំពោះមុខច្បាប់នូវរាល់កំហុសរបស់ខ្លួន។
ជនសង្ស័យបានចូលខ្លួនសារភាពក្រោយ ២ថ្ងៃរកឃើញរថយន្តជនបង្ក និងក្រោយ ៤ថ្ងៃបន្ទាប់ពីរត់គេចខ្លួន។
ជនសង្ស័យឈ្មោះ យ៉េត ចន្ទ័គ្រឹះស្នា ភេទប្រុស អាយុ ២៧ឆ្នាំ ស្នាក់នៅផ្ទះលេខ៤១ ផ្លូវបេតុង ភូមិអូរបែកក្អម សង្កាត់អូរបែកក្អម ខណ្ឌសែនសុខ មុខរបរនៅផ្ទះ បានចូលសារភាព និងទទួលស្គាល់កំហុសរបស់ខ្លួន ដើម្បីអនុវត្តតាមនីតិវិធី បន្ទាប់ពីគេចវេសមិនទទួលខុសត្រូវក្រោយបង្កហេតុ៕
