ភ្នំពេញ៖ អ្នករាល់គ្នាបានស្គាល់ហើយថា Nook Nook រាល់វីដេអូរបស់លោក ដែលបង្ហោះនៅលើបណ្តាញសង្គម TikTok និង Facebook តែងតែទទួលបានការសរសើរ និងការគាំទ្រជាច្រើន ដោយសារតែមានមាតិកាមានប្រយោជន៍ សំណើចសប្បាយច្រើនដល់សង្គម បង្កប់នូវអត្ថន័យអប់រំ សម្រាប់ក្មេងជំនាន់ក្រោយផងដែរ ។

ជាក់ស្តែងហ្វេសប៊ុកផេករបស់ លោក Nook Nook ដែលមានឈ្មោះថា Nook Nook idol មានអ្នកតាមដានរហូតដល់ 409k និងតិកតុកមានអ្នកតាមដាន 889.1K និងអ្នកចុចឡាយវីដេអូរហូតដល់ទៅ 14.4M ឯណោះ។

លោក Nook Nook បានបន្ថែមថា «ខ្ញុំគ្រាន់តែធ្វើតាមបេះដូងខ្លួនឯង ធ្វើចេញពីចិត្ត ហើយចូលចិត្តចែករំលែកនូវមាតិកាដែលមានប្រយោជន៍ដល់សង្គមជាតិ និងអ្នកដែលកំពុងទស្សនាវីដេអូរបស់ខ្ញុំ។ ខ្ញុំពុំដែលប៉ងប្រាថ្នាចង់ល្បីអ្វីនោះទេ»។

ក្រៅពីនេះលោក Nook Nook គឺជាមនុស្សដែលចូលចិត្តចែករំលែកនូវក្ដីស្រលាញ់ នឹងការរាប់អាន និងសារលើកទឹកចិត្តដល់មហាជនតាមរយៈការបង្កើតនូវមាតិការអប់រំ មានខ្លឹមសារ មានប្រយោជន៍ដល់អ្នកទស្សនា សម្រាប់ការយកទៅអនុវត្តន៍តាម ឬត្រិះរិះពិចារណា។ មិនត្រឹមតែប៉ុណ្ណោះលោក Nook Nook ក៏បានបរិច្ចាគនូវថវិកា ផ្ទាល់ខ្លួន ជួយដល់កុមារកំព្រា និង មនុស្សចាស់ជរាផងដែរ៕

មិនសរសើរមិនបាន Content គាត់នីមួយៗ មិនត្រឹមផ្ដល់សំណើចដល់អ្នកទស្សនា ហើយបានជួយមួយផ្នែកទៅលើហិរញវត្តុរបស់លោកតាលោកយាយអ៊ុំពូមីងដែលក្រខ្សត់ ខ្វះខាត ប្រកបរបរនៅតាមផ្លូវ(ចល័ត) បើទោះគាត់ទទួលបានប្រយោជន៍ពីContent ហ្វេសប៊ុកវិញក្ដី (ដូចគេថាធ្វើបុណ្យបានបុណ្យ) ។

ហើយមិនត្រឹមតែប៉ុណ្ណោះបានបង្ហាញអោយអ្នកនៅលើបណ្ដាញសង្គម ជាពិសេសយុវវ័យជំនាន់ក្រោយឲ្យដឹងថា ប្រាក់កាក់១០០៛ ២០០៛ វាមានន័យណាស់សម្រាប់ពួកគាត់ដែលអត់ ពួកគាត់អត់មានពេល Stress ឬក៏Anxiety អ្វីទេ តែផ្ទុយទៅវិញពួកគាត់ស្គាល់តែពាក្យ «ខំដើម្បីរស់»៕