សៀមរាប៖ នាយករដ្ឋមន្ត្រីកម្ពុជា សម្ដេចធិបតី ហ៊ុន ម៉ាណែត បានលើកឡើងថាឆ្នាំ២០២៤ ត្រូវតែជាឆ្នាំនៃការរស់ឡើងវិញនូវវិស័យទេសចរណ៍កម្ពុជា។
ថ្លែងនៅក្នុងពិធីសម្ពោធដាក់ឲ្យប្រើប្រាស់ព្រលានយន្តហោះអន្តរជាតិសៀមរាបអង្គរថ្មី នៅក្នុងទឹកដីនៃខេត្តសៀមរាប ព្រឹកថ្ងៃព្រហស្បតិ៍ ទី១៦ ខែវិច្ឆិកា ឆ្នាំ២០២៣ សម្ដេចធិបតី ហ៊ុន ម៉ាណែត បានលើកឡើងថា រដ្ឋាភិបាលបានរៀបចំគោលនយោបាយជាច្រើនដើម្បីជួយទៅដល់វិស័យឯកជនផ្នែកទេសចរណ៍នៅក្នុងខេត្តសៀមរាបជាពិសេសទាក់ទងនឹងការប្រើប្រាស់អគ្គិសនី។
ជាមួយគ្នានេះក៏នឹងរៀបចំឲ្យមានគោលនយោបាយផ្សេងៗទាក់ទងទៅនឹងការទទួលស្វាគមន៍អ្នកទេសចរណ៍ពីប្រទេសជិតខាង និងរៀបចំឲ្យមានកម្មវិធីសប្បាយៗជាច្រើននៅក្នុងខេត្តសៀមរាបដើម្បីទាក់ទាញអ្នកទេសចរណ៍ផងដែរ៕
ព័ត៌មានជាច្រើនទៀតសម្រាប់អ្នក
