ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% |
ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% |

សត្វផ្សោតវ័យ ៧ឆ្នាំមួយក្បាល ស្លាប់ដោយសារឧបករណ៍ឆក់ នៅខេត្តស្ទឹងត្រែង

  • ចុះផ្សាយថ្ងៃទី១៦ ខែវិច្ឆិកា ឆ្នាំ២០២៣ ម៉ោង ០៩:០៩ នាទី ដោយ Saroeun Phallika
  • 1751
  Aa |   aA

ស្ទឹងត្រែង៖ សត្វផ្សោតវ័យជំទង់ អាយុប្រមាណ ៧ឆ្នាំ មួយក្បាល ស្លាប់ដោយសារឧបករណ៍ឆក់ នៅខេត្តស្ទឹងត្រែង។

រដ្ឋបាលជលផល នៃក្រសួងកសិកម្ម រុក្ខាប្រមាញ់ និងនេសាទ បានចេញសេចក្ដីប្រកាសព័ត៌មានឱ្យដឹងថា នៅថ្ងៃទី១៥ ខែវិច្ឆិកា ឆ្នាំ២០២៣ មានសត្វផ្សោត ១ក្បាល វ័យជំទង់ អាយុប្រមាណ ៧ឆ្នាំ ភេទឈ្មោល ប្រវែង ១,៩៤ម៉ែត្រ ទម្ងន់ ៦៥គីឡូក្រាម បានស្លាប់នៅភូមិកោះជ្រើម ឃុំអូរម្រះ ស្រុកសៀមបូក ខេត្តស្ទឹងត្រែង។

តាមការធ្វើកោសល្យវិច្ច័យរបស់មន្ត្រីជំនាញនៃរដ្ឋបាលជលផល និងអង្គការ WWF សន្និដ្ឋានថា ផ្សោតនេះស្លាប់ដោយ ឧបករណ៍ឆក់ ព្រោះមានស្នាមជាំដុំៗនៅផ្នែកក្បាល និងដងខ្លួន។

គួរឱ្យដឹងដែរថា ក្នុងឆ្នាំ២០២៣នេះ ផ្សោតកើតបាន ៨ក្បាល និង ស្លាប់ ៥ក្បាល ក្នុងនោះ កូនផ្សោតស្លាប់២ក្បាល ជំទង់ ២ក្បាល និងស្លាប់ដោយចាស់ជរា ១ក្បាល ។

រដ្ឋបាលជលផលបញ្ជាក់ថានឹងសហការជាមួយសមត្ថកិច្ចពាក់ព័ន្ធ ធ្វើប្រតិបត្តិការបង្ក្រាបបទល្មើស ឆក់នេះ និងដាក់ទោសទណ្ឌធ្ងន់ធ្ងរដល់អ្នកប្រព្រឹត្តល្មើស តាមច្បាប់ស្តីពីជលផល។

ជាមួយគ្នានេះ រដ្ឋបាលជលផលក៏អំពាវនាវដល់ប្រជានេសាទ និងប្រជាពលរដ្ឋនៅមូលដ្ឋាន ឱ្យផ្ដល់ព័ត៌មាន ដល់សមត្ថកិច្ច នៅពេលឃើញមានអ្នកប្រើឧបករណ៍ឆក់ត្រី ដោយរដ្ឋបាលជលផលនឹងផ្តល់ជូននូវរង្វាន់លើកទឹកចិត្ត៕


ព័ត៌មានជាច្រើនទៀតសម្រាប់អ្នក